Friday , June 14 2024

Las Piñas lumagda sa kasunduan para sa bakuna

PINIRMAHAN na kahapon ni Las Piñas City Mayor Imelda “Mel” Aguilar ang kasunduan sa pagitan ng British drug maker AstraZeneca para sa supply ng coronavirus 2019 (COVID-19) vaccines na naglalaan ng 300,000 doses bakuna para sa mga residente sa lungsod.

Ang national government ang nagpasya sa alokasyon na 300,000 doses na bakuna para sa Las Piñas City sa ilalim ng CoVid vaccination program ng pamahalaan.

Ayon sa alkalde, inaasahang darating sa lungsod ang bakuna ng AstraZeneca sa buwan ng Hulyo ngayong taon.

Binigyang-diin ni Mayor Aguilar na ipagkakaloob nang libre ang bakuna at prayoridad ng lokal na pamahalaan na unang mabakunahan ang frontliners kabilang ang medical at health care workers, mga tauhan ng Las Piñas City Police, senior citizens, ibang sector na may matinding pangangailangan nito, at mahihirap na residente sa lungsod.

Unang naglaan ang Las Piñas City Government ng P200 milyong pondo o augmentation funds sa national government para sa karagdagang pagbili ng  CoVid-19 vaccines upang mabigyan ng libreng bakuna ang Las Piñeros.

“Nakahanda ang ating lokal na pamahalaan na maglabas ng karagdagang pondo at tuloy-tuloy ang ating pakikipag-ugnayan sa local pharmaceutical company para masiguro na mabakunahan ang mga taga-Las Piñas,” pahayag ng alkalde ng Las Pinas.

Umaasa si Mayor Aguilar na madaragdagan pa ng national government ang alokasyon sa bakuna para sa mga residente ng Las Piñas.

Muling inihayag ng alkalde na prayoridad ng lokal na pamahalaan ang seguridad sa kalusugan, kaligtasan, at kapakanan ng mga residente partikular ngayong panahon ng pandemya kasabay ng kanyang panawagan sa mga Las Piñeros na patuloy na mag-ingat, maging disiplinado at patuloy na sumunod sa health and safety protocols upang maiwasan ang pagkalat ng sakit sa lungsod.

(JAJA GARCIA)

About Jaja Garcia

Check Also

DOST assists Damugu sudsud weavers in Talakag, Bukidnon

DOST assists Damugu sudsud weavers in Talakag, Bukidnon

The Department of Science and Technology Regional Office X recently made strides in its mission …

Eye Mo Moist ken chan

Eye Mo Moist: A must-have item during Silent Outbreak Dry Eye Disease (DED)

Dry eyes disease (DED) is currently emerging as a rapidly spreading but unnoticed epidemic. It …

Puregold CinePanalo

Sa pagbabalik ng Puregold CinePanalo:
7 FULL-LENGTH TATANGGAP NG P3-M GRANT

ITINODO pa ng supermarket chain na Puregold ang adbokasiyang kampanya nito–ang Puregold CinePanalo Film Festival, sa pamamagitan ng paghahandog …

Komisyon sa Wikang Filipino nakiisa sa Mental Health Awareness Month

Komisyon sa Wikang Filipino, Nakiisa sa Mental Health Awareness Month

Bilang pakikiisa ng Komisyon sa Wikang Filipino sa Mental Health Awareness Month, isinagawa ang Mental …

Philippines-China award, a flagship of friendship

Philippines-China award, a flagship of friendship

SIX outstanding Filipinos were honored Friday night as the 2024 laureates of the Awards for …

Leave a Reply

Your email address will not be published. Required fields are marked *