Sunday , June 16 2024

Street dancing kanselado sa Sinulog

SA GITNA ng mga pagkontra mula sa iba’t ibang sektor, napagdesisyonan ng Sinulog Foundation Inc. (SFI) na hindi na ituloy ang mga ‘physical activities’ para sa pagdiriwiang ng Sinulog Festival.

Inianunsiyo nitong Huwebes, 7 Enero, ni Cebu City Vice Mayor Michael Rama, convenor ng Sinulog Festival, ang kanselasyon ng street dancing at grand ritual showdown na nakatakdang ganapin sa 17 Enero.

Nabatid na naglaan ng P25 milyon ang pamahalaang panglungsod para sa pagdiriwang ng Sinulog ngayong taon.

Sinabi ng SFI sa kanilang pahayag na kinakansela nila ang mga physical activity ayon sa payo ni Cebu City Mayor Edgardo Labella.

Ikinonsidera umano ng SFI ang pangamba ng publiko na maaaring maging daan ng paglaganap ng coronavirus disease (CoVid-19) ang mga aktibidad gaya ng street dancing.

Pinayohan ang mga lalahok na contigent na i-record na lamang ang kanilang mga performance na ipalalabas sa pamamagitan ng online streaming.

Inirekomenda ng Police Regional Office-Central Visayas (PRO 7) sa Regional Inter-Agency Task Force na huwag payagan ang pagdaraos ng street dancing at grand showdown upang maiwasan ang mass gathering.

Nauna nang nagpahayag ng pagtutol ang Cebu Medical Society Inc., sa pagdaraos ng Sinulog Festival.

Samantala, habang hindi na itutuloy ang mga cultural activity, tuloy pa rin ang pagdaraos ng ilang mga gawaing pangsimbahan.

Magtatalaga ang Cebu city police ng 500 tauhan nito upang matiyak ang seguridad sa Fiesta Señor.

Pangunahing aktibidad ng Fiesta Señor ang mga misa novenario sa Basilica Minore del Sto. Niño matapos kanselahin ng mga paring Augustinian ang prusisyon at fluvial parade dahil sa bantang dulot ng pandemya.

About hataw tabloid

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *