HATAW! D'yaryo ng Bayan hatawtabloid.com
BIDA na sa pelikula ang masipag na businessman na si Dante Salamat.
Kahit may pandemic last year, humataw ang showbiz career ng tinaguriang Cool Boss ng It’s Showtime. Pinagsabay niya ang kanyang business at ang passion sa pag-arte at enjoy naman siya sa resulta nito.
Si Mr. Dante ang President at CEO ng sariling kompanya, ang PR-Diamond Realty Group of Companies. Siya ngayon ang tumatayong presidente ng Philippine Associations of Real Estate Board.
Ang tatampukan niyang pelikula ay pinamagatang Pamilya Puti. Ito’y mula sa pamamahala ni Direk Chocoy Torres. Kasama rin dito sina Jao Mapa, Lou Veloso, at iba pa.
Kuwento niya sa amin thru FB, “Iyong movie namin is horror na may halong fantasy, parang ganoon. Ito ay isang full length film at ang role ko rito ay si Emil, nasa YouTube na po ang teaser nito kung gusto ninyong makita.”
Aniya, “Ako ‘yung may power dito, na lumalaban sa mga masasamang espirito. Bale, may first generation kasi iyong Pamilya Puti, bale tatay ko bale rito si Jao Mapa. So ipinasa sa akin ‘yung kapangyarihan para labanan ang masasamang espirito.
“Dapat po isasali ko ang movie sa MMFF, ako ang producer nito pero hindi po ako pumayag… kasi virtual lang ipapalabas, hehehe.”
Ang Pamilya Puti ay mula sa Cool Boss Diamond Film Productions.
Desidido rin si Cool Boss na magprodyus pa ng ibang pelikula, kapag natapos na ang pandemic.
Ang isa pang proyektong natapos na niya ay indie film na Padadtay ni Direk Romm Burlat. Kasama sa pelikulang ito sina Soki Lana, Mer Penalosa, Ian Garcia, Direk Romm, Jimmy Belleza, Sam Tolentino, at iba pa.
ALAM MO NA!
ni Nonie Nicasio
