ISA sa aabangan sa 2021 ang controversial movie na Anak ng Macho Dancer na pagbibidahan ng baguhang actor na si Sean De Guzman na palaban pagdating sa hubaran.
Baguhan mang maituturing si Sean, agad nagpakita ito ng kahusayan sa pag-arte kung ang teaser ng Anak ng Macho Dancer ang pagbabasehan, bukod pa sa husay sumayw dahil miyembro siya ng isang boyband (Clique V) na pinamamahalaan ng 3:16 Events and Talent Management ni Len Carillo.
Ayon kay Sean sa mga lumabas na interview nito na pinanood niya ang orihinal na Macho Dancer na pinagbidaan noon ni Allan Paule at nagandahan siya sa pelikula.
Medyo na shock lang siya sa ilang eksena ng umaatikabong love scene ni Allan at sa tapang nitong paghuhubad.
At kung mas matapang at mapangahas ang Macho Dancer, doble nito ang Anak ng Macho Dancer.
Saludo nga ang direktor ng Anak ng Macho Dancer kay Sean dahil wala itong keber sa daring na eksena. Very professional ang binata at ‘di pinasakit ang kanyang ulo.
Makakasama ni Sean sa Anak ng Macho Dancer sina Allan, Jaclyn Jose, Rosanna Roces, Jay Manalo, William Lorenzo, Emilio Garcia, Ricky Gumera, Charles Nathan, David Schion, Miko Pasamonte, Niel Suarez, Chloe Sy, at iba pa. Itoy hatid ng The Godfather Productions ni Joed Serrano at idinirehe ni Joel Lamangan.
MATABIL
ni John Fontanilla
