Friday , January 21 2022

Anytime Fitness gym sa Ayala Mall, Marikina in bad faith sa members?

ILANG health and fitness buff ang nais magpaalala sa kanilang mga kaibigan at sa publiko na maging maingat sa paggamit ng kanilang credit card lalo ngayong panahon ng pandemya dahil pakiramdam nila biktima sila ng iregularidad.

Lalo na po kung ang inyong credit card ay naka-hook sa isang membership club na nag-o-offer ng kung ano-anong serbisyo na may kaugnayan sa kalusugan o pagpapalakas ng katawan.

Tinatawagan na rin po natin ng pansin ang Anytime Fitness gym sa Ayala Mall, Marikina dahil diyan nila ito na-experience.

Ang concern lang naman nila, huwag na sanang maulit at sana’y hindi ito nangyayari sa ibang members.

Heto po ikukuwento na natin. Inuulit lang po ng inyong lingkod, magkukuwento po tayo base sa ‘sumbong’ ng apektadong miyembro. Bukas po ang kolum na ito kung nais magpaliwanag ng Anytime Fitness gym.

Ang nagreklamo ay miyembro ng AF gym, hanggang nitong bulagain tayong lahat ng coronavirus noong February 2020 at hanggang ngayon ay patuloy tayong nakikipaglaban sa pandemya sa pamamagitan ng pagtupad sa mahigpit na health protocols.

Aniya, “I haven’t tried going back to that gym since then and after my membership expired last April 2020.”

Bukod sa dalawang rason na binanggit ng nagreklamong member, alam naman ng publiko na suspendido ang operasyon ng mga gym dahil sa restriksiyon na ipinalabas ng Inter-Agency Task Force for the Management of Emerging Infectious Diseases (IATF-EID) sa panahon ng pandemya.

Pero, ang masaklap, nitong nakaraang araw, nabisto ni member na ang gym ay nagsasagawa ng auto-deduction sa credit card ng kanilang members.

Mabuti na lang umano at na-maxxed out na nila ang card limit noong holiday season. Pero nang tawagin nila ang pansin ng AF gym, sinabihan silang magpunta roon para umano malinawan ang isyu.

Medyo nainis na nga ang member kaya sinabihan niyang bakit kailangan niyang i-expose ang sarili niya sa gym para linawin ang isyu, ‘e sila dapat ang nagpapaliwanag.

“I told this guy that why should I go there and expose myself in the gym just to clear up the matter. They don’t even have any attendance to prove that I was going to the gym lately or even stepped inside the gym these past months. 

“They have this swipe-in thing everytime you enter the gym supposedly as an automated record of your attendance. Now they have the nerve to charge me for not using their gym. This is not the first time this has happened.

“Last year they charged us twice in two occasions for the membership fee and it took them 3 plus months to return/refund the money they debited from our credit card.

“If this goes on I will have to resort to legal action so the Anytime Fitness management will put a stop to their wrong doings.

“To all active / inactive members of Anytime Fitness let this incident/s serve as a reminder to be cautious in giving out your credit card to Anytime Fitness.”

Malinaw po ang pahayag ng miyembro. Nakalulungkot na nangyayari ito sa sistema ng isang supposedly ay ‘prestigious health and fitness gym.’

Ang ikinasasama pa ng loob ng miyembro, sa tono ng kanilang pakikipag-usap, e parang ‘yung miyembro pa ang dapat magpaliwanag.

Wattafak!

Kung ganito ang attitude ng management ng fitness gym, aba ‘e malinaw na ‘in bad faith’ sila sa pakikipag-deal sa members.

Nalilimutan yata ng fitness gym na kaya umiikot ang kanilang operations ‘e dahil sa members. Kung walang magme-member sa kanila mas malamang na magsara agad sila.

E kung tutuusuin, simple lang naman ang solusyon, ibalik nila sa member ‘yung ibinawas nila sa credit card. Dapat kung gaano nila kabilis naibawas ‘yun, ganoon din dapat kabilis nilang ibalik.

Huwag nang gawing komplikado ang mga pagkakamaling puwede namang ituwid agad.

Paging Anytime Fitness gym sa Ayala Mall, Marikina!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply