Friday , March 29 2024

‘Silent war’ sa Kamara ‘deadma’ lang sa liderato

MAY namumuong ‘silent war’ sa loob mismo ng ‘alyansa’ ng bagong liderato sa Kamara.

        Ito ang metikulusong obserbasyon ng mga beterano sa Kamara.

        Ang ‘silent war’ sa loob ng House of Representatives sa pagitan mismo ng mga kaalyado ni House Speaker Lord Allan Velasco ay lumutang matapos maiulat na nagkapikonan ang ilang mambabatas na kinuwestiyon ang pagkakatalaga kay Davao Rep. Paolo Duterte bilang Chairman ng House Committee on Accounts, isa sa makapangyarihang posisyon sa Kamara.

        Sabi nga, ‘tahimik’ ang House Leadership sa isyu pero isang viber message ni Duterte ang kumalat na nagsasabing didistansiya siya sa House Majority resulta ng pagkuwestiyon sa kanyang loyalty.

Nag-ugat ang sinabing ‘silent war’ nang kuwestiyonin umano ni AAMBIS-OWA Partylist Rep Sharon Garin na kilalang supporter ni Velasco ang posisyong ibinigay kay Duterte.

        Sa nakaraang gathering umano ng Velasco supporters sa Rizal Park Hotel noong 10 Nobyembre matapos ang oath-taking kay Pangulong Rodrigo Duterte, nangyari ang tinutukoy na ‘asaran.’

        Sa gitna ng hapunan ay nagbiro umano si Garin kay Duterte na “hindi ka naman bomoto kay Velasco pero nagkaroon ka ng puwesto.”

        Tila umano hindi nagustohan ni Duterte ang biro hanggang nagkaroon ng komosyon at humantong sa awatan.

        Wow?!

Si Maguindanao Rep. Toto Mangudadatu ang sinasabing isa sa umawat kina Garin at Duterte.

        Matapos ang insidente, isang viber message umano ang ipinadala ni Duterte sa Viber group ng mga kongresista pasado 2:00 am noong 11 Nobyembre, nakasaad sa mensahe ang paghingi ng paumahin sa nangyari.

        “Maraming salamat po sa opportunity, trabaho lang po walang personalan. Sorry to say but I have to distance myself na po pati sa ruling majority ng HOR, ‘ipinahiya at na-question na po loyalty ko. Sa bunganga po ni Cong. Mangudadatu at Congw. Sharon Garin mababalitaan n’yo po ‘yan mamaya agad. So, pinili ko na po, to properly, habang may mukha pa akong maihaharap sa inyo, wait and see na lang po sa Monday,” nakasaad sa mensahe ni Duterte.

Alam lahat sa Kamara na si Duterte ay hindi bomoto kay Velasco nang magkaroon ng speakership row, sa katuwiran na parehas niyang malapit na kaibigan sina Velasco at dating House Speaker Alan Peter Cayetano, gayonman ay nabigyan siya ng puwesto habang umaalma ang mga bomoto kay Velasco gaya ni Garin na walang nakuhang posisyon.

        May kasabihan, walang malaking nakapupuwing, at ang daluyong na mabagsik ay yaong tahimik.

        Bow!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *