Saturday , September 24 2022

Sektor ng mahihirap at mahihina prayoridad sa CoVid-19 vaccine — Go

BUNSOD ng mga positibong development sa mga potensiyal na bakuna para labanan ang coronavirus disease 2019 (CoVid-19), binigyang-diin ni Senador Christopher “Bong” Go ang pangangailangan ng mahusay na plano, komu­nikasyon at implemen­tasyon ng national vaccination program upang magarantiyahan ang pagkakaroon ng pantay-pantay na access at sistematikong pro­bisyon sa sandaling available na ang ligtas at epektibong bakuna para sa mga mamamayan.

Iginiit ni Go ang panawagan ni Pangulong Rodrigo Duterte na gawing prayoridad ang mahihirap at mga taong mahihina sa virus sa sandaling nariyan na ang bakuna, at sinabing, “Huwag nating pabayaan ang mga mahihirap.”

“Pantay-pantay dapat ang access at hindi lamang ang mga may kaya sa buhay ang makakukuha ng vaccine. Siguruhin nating magka­roon ng access ang mga pinaka­nangangailangan, lalo ang mahihirap at vulnerable sectors. Sila ang kailangan lumabas at magtrabaho upang buhayin ang pamilya nila,” anang Senador.

Bukod sa pagtitiyak na mayroong sapat na pondo para sa pagbili ng bakuna, nanawagan rin ang senador sa pamaha­laan na magkaroon ng full implementation ng nationwide information at education campaign hinggil sa vaccination plan.

“Huwag nating pabayaan ang mga ordinaryong Filipino. Bigyan rin dapat ng tamang impormasyon ang publiko ukol dito para maiwasan ang pagkalat ng fake news,” aniya.

Giit ng Senador, “hindi lang naman ito usapin ng pagkakaroon ng bakuna.  Kailangang paghandaan din ang storage, logistics and transportation ng mga bakunang ito. Mahalaga na nakaaabot sa mga dapat makatanggap — kasama na riyan ang frontliners at mga kababayan natin sa iba’t ibang bahagi ng bansa.”

Bilang chairperson ng Senate Health and Demography Committee, hinikayat ni Go ang pamahalaan sa pama­magitan ng Department of Health (DOH) na planohin agad ang sistematikong probisyon ng CoVid-19 vaccine, lalo na’t magkakaroon ng posibilidad na maging limitado ang supply nito, dahil may sapat aniyang panahon upang maisaga­wa ito.

About hataw tabloid

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …

Leave a Reply