Friday , February 3 2023

5 wanted persons, 4 drug suspects tiklo sa Bulacan police

SUNOD-SUNOD na nadakip ang limang wanted persons at apat na drug suspects sa magkakahiwalay na manhunt at buy bust operations na ikinasa ng Bulacan police hanggang kahapon, 22 Nobyembre.

Sa ulat kay P/Col. Lawrence Cajipe, provincial director ng Bulacan PNP, inaresto ang limang wanted persons sa magkakaibang manhunt operations na inilatag ng tracker teams ng Malolos CPS, Meycauayan CPS, at Bulacan First Provincial Mobile Force Company.

Inaresto ang mga suspek sa bisa ng mga warrant of arrest para sa mga kasong Qualified Theft, paglabag sa Section 11, Article II ng RA 9165, paglabag sa RA 6539 o Anti-Carnapping Law, PD 1612 o Anti-Fencing Law, at hindi pagdalo sa mga nakatakdang hearing sa korte.

Samantala, arestado rin ang apat na suspek sa pagbebenta ng ilegal na droga sa buy bust operations na ikinasa ng Station Drug Enforcement Units (SDEU) ng municipal police stations ng Doña Remedios Trinidad (DRT), Paombong, San Miguel, at Hagonoy.

Nakompiska ng mga awtoridad mula sa mga suspek ang may kabuuang 11 plastic sachets ng hinihinalang shabu, sari-saring drug paraphernalia, at buy bust money.

Dinala ang mga nakompiskang piraso ng ebidensiya sa Bulacan Provincial Crime Laboratory Office para sa kaukulang pagsusuri samantala ang mga suspek ay nakatakdang sampahan ng mga kasong paglabag sa RA 9165.

(MICKA BAUTISTA)

About Micka Bautista

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply