Tuesday , January 31 2023

16 law breakers timbog sa serye ng police ops (Sa Bulacan)

 

PINAGDADAMPOT ng mga awtoridad ang 16 kataong lumabag sa batas sa serye ng police operations laban sa krimen sa lalawigan ng Bulacan hanggang kahapon, 3 Nobyembre.

 

Sa ulat mula kay P/Col. Lawrence Cajipe, provincial director ng Bulacan Police Provincial Office, nagresulta ang manhunt operations na ikinasa ng tracker teams ng municipal/city police stations ng Angat, Marilao, San Jose Del Monte at Bulacan Highway Patrol Team (HPT) sa pagkakadakip ng anim na personalidad na wanted sa iba’t ibang krimen partikular ang theft; paglabag sa  Sec. 11, Article II ng RA 9165; paglabag sa Sec. 10 (a), Article VI ng R.A. 7610; Rape; at paglabag sa RA 10883 o New Anti-Carnapping Act of 2016.

 

Samantala, nagsagsawa ng buy bust operations ang Station Drug Enforcement Units (SDEU) ng Calumpit, Baliwag at Meycauayan MPS/CPS na ikinaaresto ng mga operatiba ang anim na drug suspects at nasamsam ang 16 plastic sachets ng shabu at buy bust money.

 

Sa ikinasang anti-illegal gambling operation ng mga tauhan ng San Ildefonso MPS sa Barangay Pala-Pala, sa bayan ng San Ildefonso, natiklo ang isang suspek matapos mahuli sa akto na nagpapataya ng STL bookies.

 

Nabatid na ang suspek ay walang ID card, uniporme at iba pang dokumento na magpapatunay na siya ay lehitimo o Authorized Agent Cooperation (AAC) ng Small Town Lottery.

 

Nakompiska mula sa suspek ang mga gambling paraphernalia (STL Report Form), P314 cash bet money, bolpen at isang asul na sling bag.

 

Kabilang din sa mga nadakip ang isang suspek sa kasong Trespass to Dwelling at Illegal Possession of Firearms sa Barangay San Rafael 1, sa lungsod ng San Jose del Monte; samantalang nadakip ang dalawang iba pa sa mga kasong Acts of Lasciviousness kaugnay sa paglabag sa RA 7610 sa Barangay Sto. Cristo, sa bayan ng Pulilan. (MICKA BAUTISTA)

About Micka Bautista

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …

Leave a Reply