Thursday , February 2 2023
Sabong manok

5 sabungero arestado sa tupada

 

ARESTADO ang anim na indibidwal nang maaktohan ng mga pulis na nagsasabong sa kasagsagan ng pananalasa ng bagyong Rolly sa Valenzuela city, kamakalawa ng hapon.

 

Ayon kay Valenzuela police chief P/Col. Fernando Ortega, nakatanggap ang mga operatiba ng Station Intelligence Branch (SIB) ng isang text message mula sa National Capital Region Police Office (NCRPO) tactical operation command hinggil sa nagaganap na tupada sa Tercias Compound, Barangay Karuhatan habang naghahanda sa posibleng pananalasa ng malakas na bagyo.

 

Dakong 3:20 pm, sinalakay ng mga operatiba ng SIB sa pangunguna ni P/Capt. Marissa Arellano ang naturang compound na nagresulta sa pagkakaaresto kay Alejandro Dela Cruz, 63 anyos, Jeffrey Solambao, 39, Jhun Bugarin, 45, Robertson Mallare, 26, at Joseph Sabaniano, 36, habang nakatakas ang iba pa.

 

Nakompiska ng raiding team ang dalawang panabong na manok na may nakakabit pang tari sa mga paa at P3,300 bet money.

 

 

Sinabi ni Col. Ortega, ang mga naarestong suspek ay iniharap sa Valenzuela City Prosecutor’s Office sa pamamagitan ng electronic inquest proceedings para sa kasong paglabag sa PD 1602 o illegal gambling at inisyuhan din ng Ordinance Violation Receipt (OVR) sa paglabag sa social distancing. (ROMMEL SALES)

About Rommel Sales

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply