Monday , September 25 2023

SUPORTA NG ARTISTA SA GABRIELA, DUMAGSA (Red-tagging ni Parlade, wa epek)

HINDI nabahala ang mga artista, politiko at personalidad sa walang habas na red-tagging na inilunsad ni Lt. Gen. Antonio Parlade, Jr., laban kina Angel Locsin, Catriona Gray, at Liza Soberano nitong mga nakalipas na araw dahil sa pagsusulong ng karapatan ng mga kababaihan at kabataan na adbokasiya rin ng militanteng Gabriela Women’s Party.

Imbes matakot, bumuhos ang suporta ng mga artista sa Gabriela at isinatinig ang kanilang pag-ayuda sa ipinaglalaban ng progresibong grupo sa pagdiriwang ng kanilang ika-20 anibersaryo.

Kabilang sa mga nagpadala ng kanilang pagbati at suporta sa pamamagitan ng video message ang mga mambabatas na sina Lipa Rep. Vilma Santos, Manila 6th District Rep. Benny Abante, Antique Rep. Loren Legarda, Laguna Rep. Sol Aragones, Rep. Geraldine Roman, at Rep. Gina de Venecia, Ilocos Sur SP Mika Singson, mga artistang sina Angel Locsin, Dimples Romana, Karla Estrada, Jolina Magdangal, Melai Cantiveros, Yassi Pressman, Lorna Tolentino, Amy Perez, Vice Ganda, Tirso Cruz III, John Arcilla, Rowell Santiago, Cherrie Pie Picache, Lotlot de Leon, Agot Isidro, Marissa Sanchez, Whitney Tyson, Romnick Sarmenta, Mark Manicad, at iba pa.

Umaasa si Gabriela Women’s partylist Rep. Arlene Brosas na susuportahan ng mga artista at mga personalidad ang kanilang pakikipaglaban para sa mas malawak na proteksiyon sa kababaihan sa pagpapatupad ng Anti-Trafficking in Persons Act, Anti-VAWC Law, Expanded Maternity Leave, at ang Occupational Safety and Health Law.

Isinusulong rin ng Partido ang mga amyenda sa Anti-Rape Law at maisabatas ang SHIELD BILL o ang panukalang tugon sa CoVid-19 at krisis sa ekonomiya na inihain ng Makabayan bloc.

Ilulunsad bukas ang National Day of Women’s protest at One Billion Rising 2021 sa Marikina City.

Rose Novenario

About Rose Novenario

Check Also

DOST XII holds 3-day celebration for RSTW

DOST XII holds 3-day celebration for RSTW

THE Department of Science and Technology (DOST) Region XII celebrated for three days from Sept. …

My Plantito Kych Minemoto Michael Ver

My Plantito fan meet dinaluhan ng mga Pinoy BL community at iba pang tagapagtangkilik

NAGKAROON ng pagkakataon ang mga masugid na tagapanood ng kauna-unahang BL (Boy-Love) na serye ng …

Aiko Melendez Eddie Garcia

Aiko dapat nang ipasa ang ‘Eddie Garcia’ bill 

HINIMOK ni Quezon City Councilor Aiko Melendez ang Senado na ipasa ang tinatawag na “Eddie Garcia” bill, …

Domingo de Dolores Pakil, Laguna Sun Ring Rainbow

Sa Pakil, Laguna
IKA-235 PAGDIRIWANG NG DOMINGO DE DOLORES MGA DEBOTO GINULAT NG MALA-KORONANG SINAG NG ARAW

PINAG-ALAB ang pananampalataya ng mga deboto nang sila’y gulatin ng mala-koronang sinag ng araw na …

fire sunog bombero

International school sa QC, nasunog

SA kalagitnaan nang isinasagawang fire drill, biglang lumiyab ang apoy sa Starland International School (SIS) …

Leave a Reply

Your email address will not be published. Required fields are marked *