Friday , October 7 2022

Curfew hours sa Maynila 4-3 oras na lang (Sa Nobyembre at Disyembre)

PINAIKSI ang pagpapatupad ng curfew hours sa lungsod ng Maynila simula ngayong  araw, 21 Oktubre hanggang sa 30 Oktubre, simula 12:00 am hanggang 4:00  am.

Samantala, mula sa dating 10:00 pm hanggang 5:00 am ay mas magiging maikli ang curfew hours. Simula 1 Disyembre, gagawin itong mula 12:00 am hanggang 3:00 am.

Sa kabila nito, nanatiling mahigpit ang curfew hours para sa mga menor de edad mula 10:00 pm hanggang 4:00 am alinsunod sa Ordinance No. 8547.

Ang pagpapatupad sa bagong alituntunin ng curfew hours ay inianunsiyo ni Manila Mayor Francisco “Isko Moreno” Domagoso matapos lagdaan ang Ordinance No. 8692 na nagkakaisang ipinasa ng miyembro ng Manila City Council sa ilalim ng pamumuno ni Presiding Officer, Vice Mayor Honey Lacuna at iniakda ni majority floorleader, Atty. Joel Chua.

Ang lahat ng residente at mga dumaraan sa Maynila ay sakop ng bagong curfew hours.

Ang napagkasunduang desisyon ni Moreno at lokal na pamahalaan ay bunga ng naganap na pulong ng metro mayors, MMDA at ng IATF, na nagkasundong iklian ang curfew para sa pagbibigay daan sa pagbubukas ng negosyo at paglikha ng trabaho.

“Mga bata, sokpa muna sa oblo ‘di kayo kasama… sa mga magulang, mananagot po kayo ‘pag nahuli ang mga anak ninyo sa kalsada,” ayon kay Moreno.

Gayonman, sa kabila ng pinaikling curfew hours sa Maynila ay mahigpit pa rin na ipatutupad ang social distancing protocols sa siyudad.

Muling, umapela si Moreno sa Manilenyo na patuloy na obserbahan ang 3Ws (wear your face masks, wash your hands and watch your distance). (BRIAN BILASANO)

About Brian Bilasano

Check Also

gun shot

Nagdala ng ‘boga’ sa paaralan, binatilyo dinakip

INARESTO ng mga awtoridad ang isang binatilyong mag-aaral sa bayan ng Marilao, lalawigan ng Bulacan …

prison rape

2 rapists sa Bulacan  deretso sa rehas

NAGTULONG-TULONG ang mga awtoridad sa pag-aresto sa dalawang akusado sa kasong panggagahasa sa lalawigan ng …

shabu drug arrest

MWP, kinakasama timbog sa droga

ARESTADO ang isang lalaking pinaghahanap ng batas kasama ang kanyang live-in partner na nakialam sa …

nakaw burglar thief

Sa Candaba, Pampanga
5 KAWATAN NASAKOTE, 4 TINUTUGIS 

SA MABILIS na pagresponde ng mga awtoridad, nadakip ang limang lalaking nanloob sa isang grocery …

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

Leave a Reply