Sunday , October 2 2022

4k OFWs stranded sa Metro Manila (Dahil sa P1-B utang ng PhilHealth sa Red Cross)

MAY 4,000 overseas Filipino workers (OFWs) na umuwi sa bansa ang stranded sa mga hotel sa Metro Manila dahil hindi pa sumasailalim sa CoVid-19 swab test bunsod ng P931-M utang ng PhilHealth sa Philippine Red Cross (PRC).

 

“Well, right now, we are talking of at least 4,000 plus now stranded in Metro Manila,” ayon kay Labor Secretary Silvestre Bello III sa Palace virtual press briefing kahapon.

 

Paliwanag niya, mula nang itigil ng PRC ang swabbing test sa OFWs noong 14 Oktubre, may 300 OFWs na lamang ang napapauwi ng DOLE mula sa dating 1,000 – 3,000 kada araw.

 

Kung dati aniya’y nananatili lamang ng tatlo hanggang apat na araw sa hotel ang isang OFW mula pagbalik ng bansa hanggang lumabas ang resulta ng swab test, ngayon ay nagtatagal na ng mahigit isang linggo kaya’t lumaki ang gastos ng DOLE sa kanilang accommodation.

 

“So you can just imagine how many OFWs are now stranded in all the hotels in Metro Manila. Iyon ang problema namin, and they are staying longer. Well, before, they could stay only as long as three to four days. Now they are staying already beyond one week, and that’s our problem, in terms of expenses and in terms of taking care of our OFWs. So, the sooner this issue of payment is resolved, the better for our OFWs and the better for the finances of our government, ang laking problema niyan,” ani Bello.

 

Maghahanap na naman aniya ng mga hotel sa mga karatig probinsiya ang DOLE para magsilbing quarantine hotel ng OFWs.

 

Kaugnay nito, inaasahan ng Malacañang na makapagbabayad sa PRC ng kalahati ng P931-milyong utang ang PhilHealth sa mga susunod na araw.

 

“Well, kagaya ng sinabi ko po kanina, we hope to settle at least 50% of that amount as soon as possible and the rest also within the reasonable time. So, I think ang pakiusap ni Presidente, e tuloy-tuloy muna sana po ang serbisyo ng Philippine Red Cross,” ayon kay Presidential Spokesman Harry Roque.

 

Giit ni Roque, hindi mauubusan ng pondo ang PhilHealth dahil sa ilalim ng Universal Health Care Law, sagot ng pamahalaan ang kakayahang pinansiyal nito.

 

 

Tiniyak ni Pangulong Rodrigo Duterte kamakalawa na magbabayad ang PhilHealth sa PRC at inaayos lamang ang mga dokumento para maisakatuparan ito. (ROSE NOVENARIO)

 

About Rose Novenario

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply