Friday , September 30 2022
kiko pangilinan

Paalala sa DPWH: Manggagawang Pinoy, produktong lokal unahin – Sen. Kiko

HINIKAYAT ni Sen. Francis “Kiko” Pangilinan ang Department of Public Works and Highways (DPWH) na unahin ang pagkuha ng mga manggagawang Filipino kaysa mga dayuhan sa mga proyekto ng pamahalaan upang matugunan ang mataas na bilang ng walang trabaho sa bansa.

 

Ginawa ni Pangilinan ang panawagan kasunod ng pahayag ng DPWH sa pagdinig ng budget nito na nasa 30 hangang 45 porsiyento ng manggagawa sa ilang proyekto ng gobyerno ay pawang mga Tsino.

 

Ayon kay Pangilinan, dapat mga manggagawang Filipino ang nakikinabang sa malaking pondo ng DPWH para sa mga impraestruktura, lalo ngayong maraming Filipino ang walang trabaho dahil sa pandemya.

Sa huling survey ng Social Weather Stations (SWS) noong Setyembre, sinabi ni Pangilinan na pumalo ang unemployment rate sa 39.5 porsiyento o katumbas ng 23.7 milyong Filipino.

 

Iginit ni Pangilinan, dapat tiyakin ng DPWH na prayoridad ang mga manggagawang Filipino kaysa mga dayuhan, lalo na’t pagdating sa mga proyektong may kinalaman sa Official Development Assistance (ODA).

 

Kasabay nito, nanawagan din si Pangilinan kay DPWH Secretary Mark Villar na bigyang prayoridad ang mga lokal na materyales sa mga proyekto ng pamahalalan upang makatulong sa muling pagbuhay ng industriya sa bansa.

 

Nangako si Villar na susundin ang panawagan ni Pangilinan, basta’t pasado ang mga lokal na produkto sa mga itinakdang panuntunan.

 

“I agree completely that we need to help our local industries as they create local jobs. You have my assurance that we will support this cause,” wika ni Villar. (NIÑO ACLAN)

About Niño Aclan

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply