Thursday , March 28 2024

Dumbo, ipagpo-prodyus ng pelikula ni Arjo Atayde

NANG walang mauwian ang assistant director ng It’s Showtime na si Dumbo, kina Sylvia Sanchez siya pansamantalang nanuluyan at labis niya itong ipinagpapasalamat dahil hindi lang basta katrabaho at kaibigan ang turing sa kanya, kundi Kapamilya.

Sa guesting ni Sylvia sa programang Magandang Buhay nitong Oktubre 12 ay isa sa napag-usapan kung sino ang nabahaginan niya ng blessings, isa na nga si Dumbo na gusto siyang pasalamatan.

Sabi ni Dumbo, ”Tita lagi ko namang sinasabi sa ‘yo na sobrang suwerte ko dahil napalapit ako sa ‘yo, sa Atayde sobrang salamat po dahil isa lang akong empleado, si Dumbo lang naman ako pero iba ‘yung trato mo sa akin na pamilya, anak. Sobrang nagpapasalamat talaga ako at sa buong Atayde.  Noong wala akong mauwian, sabi mo, ‘rito ka sa bahay, kumain ka riyan. Ganoon po siya (Sylvia) kaya talagang thank you po sa inyo, tita.’”

Hirit naman ng isa sa host ng MB na si Karla Estrada, ”matatakot ka na lang talagang hindi sumunod dahil sisigawan ka niya!” na sinang-ayunan naman ni Dumbo.

“Sobrang salamat po tita, I love you so much po, tita,” sabi pa ni Dumbo.

Ayon naman kay Sylvia, ”Huwag mo laging sinasabi na sino ba naman ako? Si Dumbo lang ako. Sa pamilya wala ‘yung sikat, wala ‘yung mahirap basta sa pamilya hindi tayo magtitinginan ng ako si Sylvia, ikaw si Dumbo ka lang. ‘Pag minahal ko, mahal ko kahit sino ka pa.”

Dagdag ni Karla, ”si Dumbo lagi nating nakikita rito sa ABS-CBN eh, bihira ka rin naman kasi makakita sa trabaho natin na magkakaroon ng bagong family.”

Binanggit din ng empleado na isa rin si Karla sa angels niya.

Binanggit din ni Ibyang na sobrang mahal ng mga anak niyang sina Arjo, Ria, Gela, at Xavi si Dumbo.

At dito na ini-reveal ng nanay ng magkakapatid na ikinagulat ni Dumbo, ”sasabihin ko na, si Arjo balak i-produce si Dumbo.”

“I-produce po ng ano, tita?” natawang tanong ng empleado.

Sabi pa ng aktres, ”sabi ni Arjo, ‘mommy, may future si Dumbo. Sobra siyang mahal ni Arjo.”

“Ano naman ang masasabi mo, Dumbo?” tanong ni Melai Cantiveros.

“Hindi ko pa po ano (masabi), abangan n’yo po ‘yan excited din po ako,” masayang sagot ni Dumbo.

Ngayong taon pala dapat ang planong pelikulang ipo-prodyus ni Arjo pero dahil nagkaroon ng Covid-19 pandemic kaya naurong ito sa 2021.

“Deserved mo ‘yan kasi ‘yan ang tinatawag na timing, in God’s perfect time kaya deserve mo ‘yan,” sabi naman ni Karla kay Dumbo.

FACT SHEET
ni Reggee Bonoan

 

 

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *