Thursday , March 28 2024
shabu drug arrest

2 timbog sa P346-K halaga ng shabu (Nasita sa curfew dahil walang suot na face mask)

KULONG ang dalawang hinihinalang sangkot sa droga matapos makuhaan ng mahigit sa P.3-milyong halaga ng shabu makaraang masita ng mga awtoridad dahil sa paglabag sa curfew at hindi pagsusuot ng face mask sa Malabon City, kamakalawa ng gabi.

Kinilala ni Malabon police chief Col. Jessie Tamayao ang naarestong mga suspek na si Henison Tanghal, alyas Entong, 42 anyos, at Christopher Reyes, 44 anyos na  isang  pedicab driver, kapwa residente sa Celia 2 St., Barangay Bayan-Bayanan ng nasabing lungsod.

Nahaharap sa kasong paglabag sa Dangerous Drug Act  of 2002 ang dalawang suspek na ngayon ay nasa detention cell ng Malabon city police.

Sa ulat ni Col. Tamayao kay Northern Police District (NPD) Director P/BGen. Ronaldo Ylagan, dakong 11:00 pm habang nagsasagawa ng Oplan Galugad na may kaugnayan sa Simultaneous Enhanced Managing Police Operation (SEMPO) ang mga tauhan ng Malabon Police Sub-Station 7 sa pangunguna ni P/Lt. Robert Kodiamat sa kahabaan ng Celia 2 Barangy Bayan-Bayanan, nakita nila ang mga suspek na lumabag sa curfew at walang suot na face mask.

Agad dinakip ang dalawa at nang kapkapan ay nakuha sa kanila ang 41 piraso ng plastic sachets na naglalaman ng aabot sa 51 gramo ng hinihinalang shabu, may standard drug price na P346,800 ang halaga, dalawang weighing scale, isang kulay asul na medicine kit at P3,300 cash.

Kaugnay nito, pinuri ni Gen. Ylagan ang Malabon Police sa pamumuno ni Col. Tamayao dahil sa matagumpay na pag-aresto sa dalawang hinihinalang drug suspects na nagresulta sa pagkakakompiska ng ilegal na droga. (ROMMEL SALES)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *