Saturday , October 1 2022

Lungsod Ilagan, bayan ng Enrile, isinailalim sa MECQ (CoVid-19 sa Cagayan Valley)

NAITALA sa lungsod ng Ilagan, sa lalawigan ng Isabela, ang 33 bagong kaso ng coronavirus disease (CoVid-19), kabilang ang isang 3-anyos at 13-anyos na batang lalaki.

Karamihan sa mga kaso ay naitala sa sa mga barangay ng Bliss, Malalam, Baligatan, Naguilian Baculud Sur, Naguilian Baculud Norte, Calamagui 2nd, Naguilian Sur, at Santa Barbara.

Ayon kay Ilagan City Mayor Josemarie Diaz, nagmula ang impeksiyon sa isang guro sa Barangay Naguilian Baculud Sur.

Dahil sa pagtaas ng kaso ng CoVid-19 sa lungsod, naglabas ng executive order si Isabela Gov. Rodolfo Albano III na isailalim sa modified enhanced community quarantine (MECQ) ang Ilagan mula 6-16 Oktubre.

Samantala, isinailalim rin ang bayan ng Enrile, sa lalawigan ng Cagayan sa modified enhanced community quarantine mula modified general community quarantine (MGCQ) sa loob ng 14 araw upang mapigilan ang pagtaas ng kaso ng CoVid-19.

Sa kaniyang executive order, ipinag-utos ni Enrile Mayor Miguel Decena, Jr., ang mas mahigpit na quarantine na nagsimula noong hatinggabi ng 7 Oktubre at magtatapos hatinggabi ng 20 Oktubre.

Sa datos ng health office ng bayan, nakitang mayroong 30 aktibong kaso ng CoVid -19 dito, na 13 ang naitala sa loob ng huling dalawang araw.

Ipinag-utos ang liquor ban at ipinagbabawal ang mass gathering bilang bahagi ng mas mahigpit na quarantine protocols, habang nilimitahan sa limang katao ang pagsasagawa ng mga gawaing panrelihiyon.

About hataw tabloid

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply