Alden, may pasilip sa anniversary celebration sa Dec. 8
IPINASILIP ni Alden Richards ang naganap na pictorial para sa kanyang 10th showbiz anniversary celebration sa December 8.
Sa isang Instagram video ay ibinahagi ni Alden ang behind-the-scenes ng kanyang pictorial para rito. “Silip muna. Let’s experience it together on Dec 8. #AldensReality #AldenRoadtoTen.”
And as expected, maraming fans ni Alden ang na-excite. Biro ng ilang followers niya, magli-leave na sila sa naturang date, “Mag file na ako ng vacation leave for Dec 8 ha.”
Samantala, maganda rin ang naging feedback ng viewers at netizens sa kakatapos na mini-series ni Alden na I Can See You: Love On The Balcony na nakatambal niya si Jasmine Curtis-Smith. Kahit pa isang linggo lang umere ang programa, maraming viewers ang natuwa sa magandang kuwento at mahusay na pagkakalatag ng mga eksena.
Rated R
ni Rommel Gonzales
