Egyptian national nagwala sa Maynila

ARESTADO ang isang Egyptian national nang magwala at magbasag ng salamin sa tinutu­­luyang unit sa isang condominium sa Malate, Maynila.

Kinilala ang suspek na si Mouatssem Bellah Hassan Mohamed, 38, nanunuluyan sa Unit 15D-2 , 15 floor Legaspi Tower na matatagpuan sa kahabaan ng  P. Ocampo St., Malate, Maynila.

Sa ulat, inireklamo ang suspek ng kinatawan ng Legaspi Tower dahil sa pagsigaw na nakabu­bulahaw sa katabing unit owner.

Bukod dito, binasag ng suspek ang salamin na bintana ng kanyang unit saka inihagis sa kalsada ng P. Ocampo kung saan maraming dumaraan na tao at mga sasakyan.

Dumating ang kaibigan ng suspek na si Nabil Amer, residente sa 808A Alpha Grand View Condominium, MH Del Pilar St., Malate, Maynila at nakiusap sa mga awtoridad na kanyang kakausapin at papa­yapain ang kaibigang suspek.

Habang naghihintay sa lobby ng condo­minium ang mga awto­ridad kasama nang bumaba ng unit ni Amer ang suspek ngunit nag­tangka itong tumakas nang makita ang mga pulis. Sasampahan si Amer ng patong-patong na kaso piskalya. (VV)