Thursday , October 28 2021

Bawas distansiya sa PUVs tuloy (Hanggang ‘di ipatigil ni Duterte)

WALANG pipigil sa pagpapatupad ng bawas-distansiya sa mga pampublikong sasakyan hanggang hindi ito ipinatitigil ni Pangulong Rodrigo Duterte.

Sinabi ni Presidential Spokesman Harry Roque, anomang oras ay magpapasya si Pangulong Duterte kung ipahihinto ang implementasyon ng bawas-distansya sa public transport.

“So until the President revokes it, I think it will be implemented,” ani Roque sa panayam sa CNN kahapon.

Ibig sabihin, ipatutupad pa rin ng Department of Transporation (DOTr) ang patakaran na 0.75 metrong distansiya mula sa isang metro para sa mga commuter.

Ayon kay Roque, nabigo ang Inter-Agency Task Force (IATF) na magkasundo sa patakaran sa bawas-distansya kaya ipinauubaya na nila kay Pangulong Duterte ang desisyon sa usapin.

“Si Presidente na po ang magde-decide. Ang aking ulit-ulit na sinasabi, nakabase po ito sa siyensiya at sa mga advice ng mga doctor, dahil ang mga doctor, iba-iba rin po ang mga pananaw,” aniya.

“Wala pong isang opinyon pagdating dito sa pagbawas ng isang dangkal lang naman na social distancing sa pampublikong mga transportation,” dagdag niya.

Ipinatupad ng pamahalaan ang bawas-distansiya sa kabila nang panawagan ng World Health Organization na panatailihin ang isang metrong physical distance para hindi magkahawaan ng CoVid-19 virus.

Sa ginanap na public address ni Pangulong Duterte kamakalawa ng gabi kasama ang ilang miyembro ng IATF, umalma sina Department of Interior and Local Government Secretary Eduardo Ano at Health Secretary Francisco Duque sa bawas-distansiya habang si National Task Force on COVID-19 response chief implementer Carlito Galvez ay pabor sa patakarang ipinatupad ng DOTr kahit wala sa resolution mula sa IATF.

Inutusan sila ng Pangulo na magsumite ng visual presentation ng kanilang mga paninindigan sa bawas-distansiya upang lalo niyang maintindihan ang argumento ng bawat panig at maging gabay niya sa pagpapasya. (ROSE NOVENARIO)

About Rose Novenario

Check Also

Walang suot na face mask
2 KALABOSO SA P.4-M SHABU SA KANKALOO

IPINAHAMAK ang dalawang tulak dahil sa katigasan ng ulong ayaw magsuot ng face mask nang …

Kahit inilaglag si Colmenares sa senatorial slate
KOOPERASYON NG MAKABAYAN SA LENI-KIKO CAMPAIGN TULOY

IPAGPAPATULOY ng Makabayan coalition ang kooperasyon sa kampanya ng tambalan nina Vice President Leni Robredo …

102721 Hataw Frontpage

Isko sa IATF:
ASUNTO VS DENR EXECS SA DOLOMITE BEACH ‘SUPERSPREADER’ EVENT

ni ROSE NOVENARIO NANAWAGAN si Manila Mayor Francisco “Isko” Moreno” Domogoso sa Inter-Agency Task Force …

Rosanna Ria Vergara

NE Rep. Vergara Filipino citizen — Supreme Court

NAGPAHAYAG ng pasasalamat si Rep. Rosanna “Ria” Vergara ng Ikatlong Distrito ng Nueva Ecija sa …

Fire Vegetables, Sunog Gulay

P360-M puslit na gulay sinunog sa Pampanga

SINIRA at sinunog ng mga awtoridad ang may 60 container shipment na puno ng mga …

Leave a Reply