Thursday , February 22 2024

Pulis-Pandi inireklamo ng Kadamay sa Ombudsman (Sa pagsalakay sa tanggapan at pagkumpiska sa Pinoy Weekly)

NAGHAIN ng pormal na reklamo noong Biyernes, 28 Agosto, ang urban poor group na Kalipunan ng Damayang Mahihirap (Kadamay) sa Office of the Ombudsman laban sa police officials ng Pandi, sa lalawigan ng Bulacan kaugnay sa sinasabi nilang ‘panunupil’ na ginawa laban sa kanila.

Ayon sa Kadamay, naghain sila ng reklamong robbery, gross misconduct, conduct unbecoming of a public official, at conduct prejudicial to the best interest of the service, laban sa mga pulis-Pandi na anila’y sinalakay ang kanilang tanggapan at kumuha ng mga kopya ng kanilang pahayagang Pinoy Weekly.

Kung matatandaan, nitong nakaraang Hulyo ay kinompiska ng mga pulis-Pandi ang mga materyal sa tanggapan ng Kadamay na sinasabing subersibo.

Sa Facebook post mula sa Pinoy Weekly, binanggit na ipinagdidiinan ng mga pulis na ang publikasyon ay ilegal at nagtuturo sa mga taong labanan ang gobyerno.

Naganap ang nasabing pagsalakay matapos ang sunod-sunod na pag-aresto ng pulisya sa mga lokal na lider ng Kadamay sa nabanggit na bayan.

“Sa mahabang panahon, sunod-sunod ang harassment, pananakot, pagbabanta, at pag-aresto ng PNP sa mga Kadamay sa Pandi. Noong nag-lockdown, imbes makatulong, lalo lang tumindi ang ganitong trato sa amin,” ani Kadamay national spokesperson Mimi Doringo.

Una nang ipinahayag ni Philippine National Police (PNP) chief Archie Gamboa na hindi puwedeng gamitin ng mga pulis ang Anti-Terror Act upang paratangan na ang mga nakompiskang dokumento ay subersibo.

Binanggit ng PNP chief na ang pagpapawalang-bisa sa Republic Act 1700, the Anti-Subversion Law of 1957, ay nangangahulugan na ang nasabing mga ‘dokumento’ ay hindi na maaaring ipakahulugan na subersibo.

Noong 30 Hulyo, ang mga editor ng Pinoy Weekly at iba pang alternatibong media groups ay una nang nagsampa ng reklamo sa Commission on Human Rights laban sa mga pulis-Pandi kaugnay sa nasabing insidente.

(MICKA BAUTISTA)

About Micka Bautista

Check Also

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

Leave a Reply

Your email address will not be published. Required fields are marked *