NAKARAMDAM ng pandidiri ang Kapuso actress na si Shaira Diaz sa una nilang pagkikita ng boyfriend na si EA Guzman.
Sa kuwento ni Shaira sa vlog ng BF, contestant ang aktor sa isang reality show at may rehearsal sila ng GF.
Deadma lang si EA kay Shaira. Napansin naman ni Shaira ang pawisang kilikili ng BF dahil sando lang ang suot niya.
“Sasayaw kami siyempre hindi maiiwasan pawisan. So nandoon pa lang medyo nandiri ako kasi siyempre may mga yakap-yakap tapos pawis siya.
“Malay ko ba kung ano ang amoy ng kilikili niya nooon,” saad ni Shaira.
Eh noong diskartehan ni EA, hayun, fall agad si Shaira at seven years na ang kanilang relasyon, huh!
Pero lalaking-lalaki si EA kahit gaganap siyang bading sa fresh episode ng Magpakainlanman bukas, Sabado, na My Gay Husband.
I-FLEX
ni Jun Nardo
