MATAGAL hindi tumanggap ng gay role si Edgar Allan Guzman, ang huling pagganap niya bilang beki o bading ay noon pang 2017 sa pelikulang Deadma Walking nila ni Joross Gamboa.
Nagsawa na ba siya sa gay roles kaya hindi muna siya gumaganap bilang bading?
“Hindi naman nagsawa, kumbaga masyado ng nata-typecast, masyado ng… kumbaga iyon ng iyon ‘yung nagiging role ko,” pahayag ni EA.
Pero dahil sa ganda ng kuwento ng My Gay Husband ay hindi ito natanggihan ng actor.
Maraming mga katanungang naghihintay ng kasagutan ang episode ng Magpakailanman ngayong Sabado.
Ipu-push mo pa rin ba ang pagsuyo sa isang lalaking mahal mo pero may pusong babae? Will you hold on to the relationship? O hindi mo na ipaglalaban ang nararamdaman mo para sa kanya?
Mawawala ba kay VJ ang anak niya? Maghihintay ba ulit siyang ipagtanggol ng ama o magpapakalalaki siya para ipaglaban ang karapatan niyang mag-aruga at magpalaki sa sariling anak?
Tunghayan ang espesyal at bagong episode ng Magpakailanman sa GMA na pinamagatang My Gay Husband sa pangunguna ni Edgar Allan o EA (bilang VJ), kasama sina Rez Cortez (bilang Manny), Tanya Gomez, at Ana De Leon (bilang Riza).
May hashtag na #MPKGayHusband, mapapanood ito ngayong Sabado na sa direksiyon ni Zig Dulay.
RATED R
ni Rommel Gonzales
