HINDI nagdalawang aminin ni Alden Richards na katulad ng ibang artista ay dumating din sa punto na nakararamdam siya ng anxiety dahil sa Covid-19 pandemic.
Kaya naman gumawa siya ng mga bagay para labanan ito, katulad ng paglalaro online na isa ngayon sa kanyang kinahihiligang gawin.
Bukod paglalaro ng online games, parati rin siyang nagdarasal para protektahan siya, ang kanyang pamilya, kaibigan, katrabaho, at kamag- anak lalo na ngayong pandemya.
Ayon kay Alden, “Huwag ny’o pong tatanggalin ang ugaling pagdarasal, kausapin niyo po ang Diyos, masarap kausapin si Lord. ‘Yung tenga naman po ng Diyos laging bukas ‘yan, sabihin mo lang lahat ng nasa loob mo para gumaan.”
Kaya naman ang payo ni Alden sa lahat ng may mga pinagdadraanan ngayon, nadi-depress o nakararamdam ng anxiety, kausapin lang ang Diyos para gumaan ang pakiramdam at maibsan kung ano mang hindi magandang nararamdaman.
MATABIL
ni John Fontanilla
