Thursday , February 22 2024

Kambal na pagsabog yumanig sa Jolo 15 patay, 75 sugatan

PATAY ang siyam na sundalo at anim na sibilyan, habang 75 katao ang sugatan nang yanigin ng dalawang pagsabog ang plaza ng bayan ng Jolo, sa lalawigan ng Sulo, kahapon Lunes, 24 Agosto.

Sa ulat ng militar, namatay ang isang hinihinalang babaeng suicide bomber noong pangalawang pagsabog, nguit hindi pa malinaw kung isa siya sa anim na civilian casuaties.

Ayon kay Lt. Col. Ronaldo Mateo ng 11th Infantry Division ng Philippine Army, naganap ang unang insidente sa harap ng isang tindahan ng pagkain sa Serantes St., Barangay Walled City sa Plaza Rizal, na isang nakaparadang motorsiklo ang sumabog malapit sa M35 vehicle ng 21st Infantry Battalion.

Ayon kay Maj. Gen. Corleto Vinluan Jr., hepe Western Mindanao Command ng Philippine Army, isang IED (improvised explosive device) na nakatanim sa motorsiklo ang unang pagsabog.

Habang kinokordonan ng mga awtoridad ang lugar ng insidente, naganap ang ikalawang pagsabog sa harap ng isang banko, 100 metro ang layo sa tindahan ng pagkain at 10 hanggang 15 metro ang layo sa Jolo Municipal Police station.

Sa impormasyon mula sa pamahalaang panlalawigan ng Sulu, namatay ang siyam na sundalo at anim na sibilyan, habang 48 sibilyan, 21 sundalo at anim na pulis ang sugatan.

Dagdag ni Vinluan, pumanaw sa ikalawang pagsabog ang babaeng hinihinalang suicide bomber na may dalang IED na nagtangkang pumasok sa kinordonang lugar ngunit pinigilan ng isang sundalong binawian din ng buhay.

Pinaniniwalaan ng mga awtoridad na Abu Sayyaf Group (ASG) ang maaaring responsable sa mga pagsabog dahil walang ibang aktibong teroristang grupong maliban sa kanila sa nasabing lalawigan.

Ani Vinluan, tinutugis ng military ang suspek na si Mundi Sawadjaan, isang lider ng ASG, at nasa likod din ng magkasunod na pagsabog sa Jolo Cathedral noong isang taon na 20 katao ang namatay.

Matatandaang lagpas isang linggo ang nakalipas, isa pang lider ng ASG na si Anduljihad “Idang” Susukan ang isinuko ni Moro National Liberation Front (MNLF) leader Nur Misuari sa mga awtoridad sa lungsod ng Davao.

Tinitingnan ng militar kung may kaugnayan ang insidente ng pagsabog kahapon sa pagkakadakip kay Idang Susukan.

Samantala, ipinag-utos ni Gen. Archie Gamboa, hepe ng Philippine National Police, sa Bangsamoro regional police na simulan na ang imbestigasyon at panagutin sa batas ang lahat ng salarin sa karumaldumal na krimen.

Nananatili sa “high alert” ang 11th Infantry Division at Joint Task Force Sulu dahil sa insidente.

Isinailalim sa lockdown ang buong bayan ng Jolo para sa kaligtasan at seguridad ng mga residente, at idineklara ng Philippine Coast Guard (PCG) ang “red alert” sa buong rehiyon ng southwestern Mindanao na sumasakop sa Zamboanga, Basilan, Sulu, at Tawi-tawi.

Samantala, kinondena ng Malacañang ang insidente at nagpahayag ng pakikiramay sa mga kaanak at mahal sa buhay ng mga pumanaw dahil sa pagsabog.

About hataw tabloid

Check Also

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

Leave a Reply

Your email address will not be published. Required fields are marked *