Friday , March 29 2024

Balkans sinalakay ng Blue Crabs

TULAD ng kaakit-akit na purple crab dito sa Filipinas, maaaring nagagandahan ang karamihan sa mga alimangong kulay asul — dangan nga lang ay itinuturing itong salot sa dalampasigan ng Albania.

Naging pahirap ang kakaibang mga alimango para sa mangingisda sa Balkans na ngayo’y hirap na hirap idugtong ang pang-araw-araw nilang hango para sa kanilang kabuhayan dahil ang sinasabing ‘invasive species’ ay sadyang sinisira ang ecosystem sa nasabing rehiyon sa Europa.

Indemic sa Atlantiko, ang Callinectes sapidus ay lumitaw sa karagatang Adriatiko ng Albania, may isang dekada ang nakalipas, dala ng umiinit na temperatura ng dagat.

Sa masukal na coastal area kalapit ng Karavasta Lagoon, sagabal ang mga alimango sa mga lambat at dam sa pagitan ng tubig kaya nahihirapang makahuli ang mga mangingisda ng dati nilang hango mula sa dagat.

“The crab takes our daily bread and even the fish in the nets… there is nothing to sell,” hinaing ni Besmir Hoxha, 44, habang inaalis ang isang maliit na isdang nadurog sa sipit ng isang blue crab.

Ipinakita ng kasama ni Besmir na si Stilian Kisha ang kanyang kamay at braso na may bahid ng mga sugat mula sa kagat o sipit ng mga salot na alimango.

“They are very aggressive and clever, a real curse. This year we are seeing the crab everywhere, on the coast, offshore but also in inland waters, rivers and lagoons. The damage is enormous,” punto ni Stilian.

May mga araw na nakakokolekta ang iba nilang kasamahang mangingisda ng aabot sa 30 kilo ng blue crab — na maihahambing sa lima hanggang anim na kilo lang ng isda na ibinebenta nila sa pamilihan.

Dahil sa salot na mga alimango ay naglalaho ang mga dating hangong lokal na sea bass, red mullets at igat.

“It’s a daily challenge with the crab, who will be the first to catch the fish—this morning the crabs won again,” ani Stilian. (Kinalap ni TRACY CABRERA)

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *