NAGPOSITIBO na rin sa CoVid-19 si Senador Ramon Revilla, Jr., matapos lumabas ang resulta ng kanyang test.
Ngunit agad tiniyak ni Revilla na negatibo ang kanyang maybahay na si Cavite Mayor Lani Mercado Revilla at kanilang mga anak.
Tiniyak ni Revilla na nagka-quarantine na siya at ang kanyang pamilya.
Sa ngayon ay wala namang nararamdamag sintomas.
Isa sa kasambahay at empleyado ni Revilla ang nagpositibo sa COVID 19 kung kaya’t agad silang nagpa-test at dito ay nakompirma nga.
Si Revilla ay pumasok sa senado noong Lunes at huling lumabas noong Martes para sa 40th-day death celebration ng kanyang ama.
Sa ngayon ay sinunod ni Revilla ang payo ng doktor na mag-quarantine muna.
(NIÑO ACLAN)
