Tuesday , January 25 2022

Crucifix sa ospital pinaaalis (Marcoleta binatikos)

BINATIKOS ng netizens ang panukala ni Sagip Partylist Rep. Rodante Marcoleta kaugnay sa pagnanais na alisin ang “crucifix” sa lahat ng kuwarto ng ospital.

Nakapaloob sa House Bill No. 4633 na, “making the hanging of religious mementos, such as crucifixes, in hospital suites optional.”

Aalisin ang “crucifix” sa mga kuwarto ng ospital at hayaan na lang ang mga pasyenteng magpasya kung nais maglagay ng krus.

Dahil dito, mahigpit na tinutulan ng netizens partikular ng mga katoliko ang kawalang-galang ni Marcoleta sa relihiyon batay sa kanya-kanyang paniniwala ng bawat isa.

“Why is Marcoleta afraid of the crucifix? This shrewd subtle irony is the work of Satan,” ayon sa  columnist na si Bernie Lopez na iginiit na labag sa Saligang Batas ang naturang panukala alinsunod sa ginagarantiyang freedom of religion.

Si Lopez ay kabilang sa mga tumututol sa HB 4633, isang panukala na mistulang anti-Catholic at anti-prayer.

“Raises serious interfaith issues” ang naging paliwanag ni Marcoleta hinggil sa presensiya ng krus sa mga kuwarto ng ospital na parang ipinaaalala umano ang mga sakit.

“Foments conflict where there is none, emphasizing divisiveness rather than coexistence,” anang mambabatas sa kanyang panukala.

Gayondin, iginiit ni Marcoleta na maaari rin hilingin ng mga non-Catholic na pasyente na alisin ang Krus sa kanyang kuwarto.

Si Marcoleta na kumakatawan sa urban poor ay umamin na tinitingnan niya ang interes ng INC na hindi kinikilala ang Krus dahil isa umano itong sumpa na naging instumento ng pagkamatay ni Kristo sa krus.

Ang nasabing panukala ay inihain noong isang taon na muling nabigyan pansin bunsod na rin sa papel na ginampanan ni Marcoleta sa pagbasura sa prankisa ng ABS-CBN at sa pagpupursigi na ma-takeover ang pasilidad ng network.

Sinasabing kabilang ang Iglesia ni Cristo sa bumabatikos laban sa ABS-CBN dahil sa malawakang coverage na ginawa sa pamilya Manalo. (NIÑO ACLAN)

About Niño Aclan

Check Also

Rabiya Mateo Lolo Narding Flores

Rabiya abogado ang tulong na maibibigay kay Lolo Narding

HATAWANni Ed de Leon NANAWAGAN ang dating Miss Universe contestant at nag-aartista na ngayong si Rabiya Mateo sa kung …

Las Piñas City Mayor Imelda Aguilar

Las Piñas City LGU pasado sa SGFH ng DILG

INIANUNSIYO nitong Huwebes, 20 Enero 2022, ni Las Piñas City Mayor Imelda Aguilar ang pagpasa …

Para sa CoVid-19 test kits PITMASTER NAGBIGAY NG P100-M SA LGUs

Para sa CoVid-19 test kits
PITMASTER NAGBIGAY NG P100-M SA LGUs

SA PATULOY na pagsirit ng hawaan ng CoVid-19 sa bansa partikular sa Metro Manila, nag-donate …

NTC suportado sa pagtutol ng OSG sa “ABS-CBN Favoritism Bill” na isinusulong ni Sen. Leila De Lima

SINUPORTAHAN ng National Telecommunication Commission (NTC) ang pagtutol ng Office of the Solicitor General (OSG) …

Cha-cha ipaubaya sa sunod na kongreso — Rodriguez

HINIMOK ni House Deputy Speaker Rufus Rodriguez ang mga kasamahan niya sa Kongreso na ipaubaya …

Leave a Reply