Friday , January 28 2022

BF ni Alex, namanhikan na; kasalan sa 2021 magaganap

WALANG social distancing at walang suot na face mask/face shield sa ginanap na ‘pamamanhikan’ ng pamilya ng fiancé ni Alex Gonzaga na si Mikee Morada sa bahay ng dalaga sa Taytay, Rizal.

Pero may disclaimer naman kaagad ang kilalang vlogger at aktres, “nagpapasalamat po ako na nakapunta kayo (Morada family) kahit mayroon tayong crisis although we made sure naman na everyone is safe sa pagpunta n’yo rito.”

Nitong Agosto 1 ipinost ni Alex sa kanyang YouTube channel ang pamamanhikan ng pamilya ng husband-to-be kasabay na rin sa selebrasyon ng ikatlong taong anibersaryo ng kanyang YouTube channel.

Maaga palang ay pinaghandaan na nina Daddy Bono at Mommy Pinty ang pagdating ng kanilang balae kasama ang mga kapatid ni Mikee dahil pinalinis nila ang buong bahay, nagpaluto at nagpalagay ng magagandang bulaklak sa kanilang 20 seater dining table.

Excited si Alex sa pagdating ng magulang ng mapapangasawa na sinasabayan pa ng kanta.

“Our family will meet now, today is the day, tonight is the night that Gonzaga and Morada together again, I love you my love (sabay lapit ng camera kay Mikee), your mama will say hi to my papa and your papa will say hi to my mama,” tumatawang kanta ng dalaga.

Hanggang sa dumating na, sabi ni Alex sa ina, “kinakabahan ako, mommy (Pinty).” Sagot naman ng ina, “relax and be calm.”

Saktong 7:30 p.m. nagsimula ang hapunan at sinabayan ng kuwentuhan at si Toni (Gonzaga-Soriano) ang bumabangka habang kumukuha ng video si Alex.

Maagang natapos ang masaganang hapunan dahil 9:35 p.m. ay umuwi na ang pamilya Morada dahil nga malayo pa ang biyahe nila.

Anyway, bago pinauwi ni Alex si Mikee ay nag-video muna silang magkasama para pasalamatan ang magulang ng binata at sa mga kababayan din ng binata sa Lipa City, “Hi po sa mga taga-Lipa, ako na po ang bago ninyong kababayan.

“Malapit na po kaming magka-isang dibdib at finally, mami-meet na niya ang walwal ng Taytay, pagkapatay ng ilaw, talagang walwalan na ‘to at sa gabing iyon, isa ka sa pinagpala dahil makikita mo na ang Yamahista treasure ng Taytay!” tumatawang sabi ni Alex habang natatawa naman ang mapapangasawa.

Ayon naman sa aming source, sa 2021 na ang kasal pero wala pang petsa at lugar dahil depende sa pandemya.

FACT SHEET
ni Reggee Bonoan

About Reggee Bonoan

Check Also

Kris Aquino

Kris binuweltahan mga nagpapakalat ng fake news — Sorry buhay pa… it’s not yet goodbye

PABONGGAHANni Glen P. Sibonga TINAWAG ni Kris Aquino na fake news ang mga kumalat na tsismis …

Korina Sanchez Ping Lacson

Korina aliw sa pa-farm ni Sen Ping

SHOWBIZ KONEKni Maricris Valdez Nicasio HINDI maitago ni Korina Sanchez-Roxas ang aliw nang magtungo sa farm ng …

Nadine Lustre Tattoo

Nadine muling nagpa-tattoo sa braso

MATABILni John Fontanilla IPINAKITA ni Nadine Lustre ang bagong dragon tattoo sa kanyang braso na umabot hangang …

Sean de Guzman

Sean miss na ang pagsasayaw
BIBIDA NAMAN SA ISANG SERIES

NAKAUSAP ko si Sean de Guzman lately in a serious note. Totoo palang miss na miss na rin …

Jos Garcia

Jos Garcia apektado ng lockdown sa Japan

MATABILni John Fontanilla LOCKDOWN ngayon sa Japan dahil sa pagtaas ng kaso ng Covid 19 …

Leave a Reply