Sunday , January 23 2022

PH ibinabaon sa utang at kahirapan ni Duterte (Bawat Pinoy may utang na P83K) — KMP

IDINADAHILAN ni Pangulong Rodrigo Duterte ang kampanya kontra coronavirus disease (COVID-19) para ibaon sa utang at kahirapan ang sambayanang Filipino.

Inihayag ito kahapon ng Kilusang Magbubukid ng Pilipinas (KMP) sa kanilang kalatas.

“Kailangan daw mangutang para sa ‘new normal’ at muling pagbubukas ng ekonomiya pero ang limpak na mga bagong utang ay para sa mga proyektong impraestruktura na ipinapakete bilang COVID-19 response. Wala raw pondo para sa mass testing at Social Amelioration Program pero nangungutang para sa Build, Build, Build,” ayon kay Kilusang Magbubukid ng Pilipinas (KMP) chairperson Danilo Ramos sa isang kalatas.

Aniya, ang bawat isa sa mahigit 108 milyong Filipino ay may utang na P83,238.35 na hindi nahahawakan o napapakinabangan dahil pusupusan ang pangungutang ng administrasyong Duterte na umabot na sa P9.054 trilyon.

Aniya, si Duterte na ang “heaviest debtor” sa kasaysayan ng Filipinas – sa average na P63 bilyon utang kada buwan kompara kay Gloria Macapagal-Arroyo na P21 bilyon at Benigno Aquino III sa P19 bilyon.

Naniniwala si Ramos na karamihan sa mga inutang ng administrasyong Duterte ay mapupunta sa korupsiyon, ang operasyon ng gobyerno ay tinutustusan ng utang at ang ginagasta ay mas malaki sa kakayahan na magbayad.

Hindi na aniya nakapagtataka na desperado ang administrasyong Duterte na magpataw ng bago at dagdag na buwis sa mga mamamayan gaya ng panukalang dagdag buwis sa digital platforms at e-commerce.

Kaugnay nito, isasapubliko ng Malacañang sa Lunes ang datos kung magkano ang natanggap ng gobyerno at paano ginasta para sa kampanya laban sa COVID-19. (ROSE NOVENARIO)

About Rose Novenario

Check Also

Rabiya Mateo Lolo Narding Flores

Rabiya abogado ang tulong na maibibigay kay Lolo Narding

HATAWANni Ed de Leon NANAWAGAN ang dating Miss Universe contestant at nag-aartista na ngayong si Rabiya Mateo sa kung …

Las Piñas City Mayor Imelda Aguilar

Las Piñas City LGU pasado sa SGFH ng DILG

INIANUNSIYO nitong Huwebes, 20 Enero 2022, ni Las Piñas City Mayor Imelda Aguilar ang pagpasa …

Para sa CoVid-19 test kits PITMASTER NAGBIGAY NG P100-M SA LGUs

Para sa CoVid-19 test kits
PITMASTER NAGBIGAY NG P100-M SA LGUs

SA PATULOY na pagsirit ng hawaan ng CoVid-19 sa bansa partikular sa Metro Manila, nag-donate …

NTC suportado sa pagtutol ng OSG sa “ABS-CBN Favoritism Bill” na isinusulong ni Sen. Leila De Lima

SINUPORTAHAN ng National Telecommunication Commission (NTC) ang pagtutol ng Office of the Solicitor General (OSG) …

Cha-cha ipaubaya sa sunod na kongreso — Rodriguez

HINIMOK ni House Deputy Speaker Rufus Rodriguez ang mga kasamahan niya sa Kongreso na ipaubaya …

Leave a Reply