Thursday , January 20 2022

Palasyo kinabog sa militansiya ng Simbahang Katolika vs Anti-Terror Law

KINABOG ang Palasyo sa ipinararamdam na militansiya ng mga lider ng Simbahang Katolika sa bansa kontra sa Anti-Terror Law.

Ayon kay Chief Presidential Legal Counsel Salvador Panelo, hindi puwedeng ipagwalang bahala ng Malacañang ang impluwensiya ng Simbahan sa proseso nang pagpapasya ng mga pinuno ng bansa.

Ginawa ni Panelo ang pahayag kasunod ng hamon sa kanya ni Manila Auxiliary Bishop Broderick Pabillo na sampahan ng kaso ang Catholic Bishops Conference of the Philippines (CBCP) kung sa palagay niya’y may nilabag na batas ang inilabas na pastoral letter laban sa Anti-Terror Law.

Giit ni Panelo, base sa kasaysayan, tumangging magpasya ang ilang pinuno ng Filipinas kapag taliwas sa pananampalataya ng Simbahan bunsod ng malawak na impluwensiya nito sa bayan at mga mamamayan.

“It is for this reason that the Church should not attempt to interfere in purely political or temporal matters; otherwise, with its strong persuasion, they are to dictate how the nation should run its earthly affairs — a clear derogation of the separation principle,” ani Panelo sa isang kalatas kahapon.

Ipinaalaala ni Panelo ang naging pahayag ni Pangulong Rodrigo Duterte sa mga taong Simbahan na huwag gamitin ang plataporma ng Diyos sa pagbatikos sa kanya.

Matatandaan, nagkaroon ng malaking papel ang Simbahang Katolika sa pagpapabagsak ng diktadurang Marcos noong 1986 People Power Revolution at pagpapabagsak ng rehimeng Estrada noong 2001 EDSA People Power Revolt.

About Rose Novenario

Check Also

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

12-anyos stepdaughter ginawang sex slave
MANYAK NA DRIVER ARESTADO

BAKAL na rehas ang hinihimas ng isang manyakis na driver matapos maglakas-loob ang 12-anyos dalagita …

Leave a Reply