HATAW! D'yaryo ng Bayan hatawtabloid.com
TULAD ng FPJ’s Ang Probinsyano ni Coco Martin na malaki pa rin ang viewership sa Kapamilya Channel at ilang digital platform ng ABS-CBN ay malakas rin ang Love Thy Woman na pinagbibidahan ng reel and real sweethearts na sina Kim Chiu at Xian Lim.
Yes umaani ito ng daan-daang libong views at may episode na million ang views nito sa Facebook at Youtube.
Well, kapag avid viewer ka ng Love Thy Woman ay siguradong maho-hook ka na hindi lang sa ganda ng istorya nito kundi kaabang-abang talaga ang mga eksena na umabot sa puntong napawalang bisa ang kasal ni Yam Concepcion kay Xian at ang pakikipaglaban ni Kim para sa anak nila ni Xian na si Michael na nasa poder ni Yam, na kanyang inangkin. Kamumuhian rito ang character ni Yam at ng mommy niyang si Eula Valdez na walang ginawa kundi ang saktan at apihin ang pagkatao ni Kim.
Naiipit naman si Christopher de Leon sa sitwasyon ng mga anak (Kim at Yam) sa magkaibang nanay. Suportado pa rin ng advertisers ang Love Thy Woman at FPJ’s Ang Probinsyano ng Dreamscape Entertainment at ABS-CBN.
VONGGANG CHIKA!
ni Peter Ledesma
