SA online get-together ng Love of my Life na #LetsTalkLove ay ikinuwento ni Mikael Daez kung saan at kailan niya unang nakilala ang cast ng serye na sina Rhian Ramos, Tom Rodriguez, at Carla Abellana.
“In my very first year sa GMA, mayroon kaming workshop. As I entered the room, nakita ko siya (Rhian) and we got introduced to each other.”
Matapos nito ay sampung taon ang lumipas bago niya muling nakausap ang aktres. “The next na nakausap ko siya is ‘Love of my Life’ na. Of course, nagkikita kami sa mga guesting pero the next time I was really able to talk to Rhian was after 10 years. Sobrang laki ng agwat.”
Bumuhos naman sa comment section ng live stream ni Mikael ang suporta mula sa loyal viewers ng Love of my Life na miss na miss na ang cast na muling mapanood sa telebisyon, “LOML is good at talagang kaabang-abang dahil it’s about family. You interact like ang tatagal ninyo na magkakakilala. Natural na natural.”
Samantala, abangan bukas, Biyernes (July 10) si Rhian na siya namang makikipag-kuwentuhan at kumustahan sa #LetsTalkLove, 6:00 p.m., sa Facebook page ng GMA Drama.
COOL JOE!
ni Joe Barrameda
