Friday , March 29 2024

3 doktor, 3 kadete ng PMA pinadampot ng Baguio court (Sa pagkamatay ni Dormitorio sa hazing)

IPINAG-UTOS ng korte sa lungsod ng Baguio ang pagpapadakip sa tatlong doktor at tatlong kadete ng Philippine Military Academy (PMA) kaugnay ng pagpanaw ni Cadet Fourth Class Darwin Dormitorio dahil sa hazing noong taon 2019.

 

Ayon kay P/Col. Allen Raw Co, direktor ng Baguio City police director, noong Miyerkoles, 8 Hulyo, pinatawan ng P200,000 piyansa sina Captain Flor Apple Apostol, Major Maria Ofelia Beloy at kanilang dating superior officer sa PMA Station Hospital na si Lt. Col. Ceasar Candelaria matapos sampahan ng kasong murder dahil sa pagpapabaya sa paggamot kay Dormitorio.

 

Ipinag-utos ang pagdakip sa tatlong doktor sa bisa ng warrant of arrest na inilabas ni Baguio Regional Trial Court Judge Maria Ligaya Itliong-Rivera noong Martes, 7 Hulyo.

 

Itinanggi ng mga doktor ang ‘misdiagnosis’ na ibinintang sa kanila kaugnay kay Dormitorio, na kanila umanong ginamot dahil sa urinary tract infection, ilang oras bago siya binawian ng buhay.

 

Inutusan din ni Rivera ang pulisya na arestohin sina Felix Lumbag, Jr., at Shalimar Imperial, Jr., mga senior cadet, pangunahing mga suspek sa pagpanaw ng batang kadete.

 

Namatay si Dormitorio noong Setyembre 2019 dahil sa internal injuries sanhi ng pambubugbog sa kaniya na kagagawan umano nina Lumbag at Imperial, naunang sinipa sa PMA matapos ang imbestigasyon sa loob ng akademya.

 

Ipinag-utos din ni Judge Rivera ang pagdakip sa pangatlong kadeteng si Julius Carlo Tadena, na walang piyansa gaya ng dalawang kadete.

 

Inakusahan si Tadena ng pananakit kay Dormitorio gamit ang taser.

 

Nasa kustodiya ng militar ang tatlong kadete habang sumasailalim sa court-martial proceedings.

 

Dagdag ni Co, nakikipag-ugnayan ang Baguio City Police Office sa Armed Forces of the Philippines (AFP) kaugnay sa paglilipat sa kanila ng kustodiya ng tatlong kadete.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *