Sunday , July 13 2025
LIMANG frontliners ng East Avenue Medical Center (EAMC) ang inaresto na kinabibilangan ng itinurong tulak na si Emmanuel Leongson, at ang apat na kasamahan sa ikinasang buy bust operation sa basement ng nasabing ospital sa kabila ng banta ng COVID-19. (ALEX MENDOZA)

5 EAMH frontliners, huli sa droga sa basement ng ospital

LIMANG frontliners ng East Avenue Medical Center (EAMC) ang dinakip ng mga operatiba ng Quezon City Police District (QCPD) makaraang makompiskahan ng shabu sa basement ng ospital, kamakalawa ng gabi.

Sa ulat kay QCPD Director, P/BGen. Ronnie Montejo, ang mga suspek ay kinilalang sina Emmanuel Leongson, 45, nurse attendant, residente sa July Extension, Barangay Bahay Toro, Quezon City; Guardo Hermino, 41,  garbage collector, ng Blk. 2, Sawata, Dagat-Dagatan, Barangay 35, Caloocan City; James Daguian, 47, janitor, ng Dumaguete Extension, Pael, Barangay Culiat, Quezon City; Rowel Tina, morgue attendant, nakatira sa Blk. 1, 116, Purok Pag-asa, Barangay Batasan Hills, Quezon City; at Bonifacio Castillo, 37, morgue attendant at residente sa No. 30-B, Victory Ave., Barangay Tatalon, QC.

Nadakip ang lima sa staff quarters ng ospital sa Basement Tahan Tahanan, Barangay Central, QC.

Dakong 10:00 pm nitong 6 Hulyo 2020, ikinasa ng QCPD Kamuning Station (PS10) Drug Enforcement Unit ang buy bust laban kay Leongson makaraang makakuha ng tip hinggil sa pagtutulak ng droga sa ospital at sa Barangay Central.

Kasama ni Leongson sina Herminio at Daguian nang iabot ang shabu sa pulis na nagpanggap na buyer sa pasilyo ng ospital.

Pero nagawang makatakbo nina Herminio at Daguian kaya hinabol sila ng mga pulis hanggang maabutan sa staff quarters at maaresto.

Pagpasok sa quarters, huli sina Tina at Castillo na hinihinalang katatapos gumamit ng shabu.

Nakompiska sa lima ang pitong medium size sachet ng shabu, at buy bust money na P2,000; 6 pieces  improvised tooter, may residue ng shabu; 1 aluminium foil; 5 pieces disposable lighters; at 2 digital weighing scale. (ALMAR DANGUILAN)

Krystall Herbal Products and FGO Branches

About Almar Danguilan

Check Also

Dave Gomez Sharon Garin

Gomez, bagong Press Secretary Garin, itinalagang Energy chief  

IPINAHAYAG ni Palace Press Officer Atty. Claire Castro na itinalaga ni Pangulong Ferdinand Marcos, Jr., …

dead gun

Tagayan nirapido ng tandem, napadaan na katagay patay

ISANG 25-anyos na lalaki ang namatay habang sugatan ang dalawang iba pa nang pagbabarilin ng …

Marikina

Marikina LGU suportado shoe industry ng bansa

MULA noon hanggang ngayon, suportado ng Marikina City local government unit (LGU) ang kabuhayan ng …

PAGASA Bagyo LPA

Sa loob at labas ng PAR  
3 LPS INAANTABAYANAN

MASUSING binabantayan ng ­Philippine Atmospheric, Geophysical and Astronomical Services Administration (PAGASA) ang tatlong low pressure …

Arrest Posas Handcuff

Illegal alien may patong-patong na kaso
Utol ng economic adviser ni Duterte inaresto

DINAKIP ng mga tauhan ng Pasay City Police ang Chinese national na si Tony Yang, …

Leave a Reply

Your email address will not be published. Required fields are marked *