ISA sa pinakamahalagang parte ng buhay ni Dion Ignacio ay nang mapabilang siya sa first season ng reality-based artista search na StarStruck, 17 years ago.
Kuwento niya, “Ang proudest moment ko po bilang Kapuso talent is noong napabilang po ako sa ‘StarStruck,’ napasali sa Final 14. Dahil dito, natulungan ko ‘yung mga kapatid ko, family ko, at nakaipon ako.”
“Dahil po roon sobrang thankful and grateful ako sa lahat ng projects na natatanggap ko ngayon at nagpapasalamat po ako sa tiwala na ibinibigay sa ‘kin ng GMA Network,” dagdag pa ni Dion.
Matapos gumanap ng ilang supporting roles, unang bumida si Dion bilang Raul Agoncillo sa remake ng Saan Darating Ang Umaga? noong 2008 na katambal niya si Yasmien Kurdi. Sa ngayon, ginagampanan niya ang karakter ni Zander Rodriguez sa top-rating GMA Afternoon Prime series na Magkaagaw.
RATED R
ni Rommel Gonzales
