Saturday , November 27 2021

Liquor ban tinanggal na sa Maynila — Isko

TINUPAD ni Mayor Francisco “Isko Moreno” Domagoso ang kanyang pangako na tatanggalin ang liquor sa tamang panahon.

Ito ay makaraang ianunsiyo ng alkalde na simula ngayong Lunes, 8 Hunyo ay wala nang liquor ban sa lungsod.

Nabatid, wala nang liquor ban ngunit mananatiling  bawal ang pag-inom ng alak sa pampublikong lugar gayondin ang pagbe­benta sa mga menor de edad.

Matatandaan, minsan nang sinabi ni Mayor Isko na tatanggalin niya ang liquor ban sa tamang panahon.

Umabot sa 72 araw ang ipinatupad na liquor ban ni Isko bilang mahig­pit na pagpapatupad ng batas sa buong panahon na ang lungsod ay nasa ilalim ng enhanced community quarantine (ECQ).

Tumagal ang liquor ban dahil sa paniniwala ng alkadle na ang alak ay bahagi ng bisyo at ayaw niyang mabawasan ang mga ayuda na posibleng ipambili ng alak imbes maging prayoridad ang pang- araw-araw na pangangailangan sa buhay sa panahon ng ECQ.

Sa nilagdaang Executive Order No. 26 nitong Biyernes, 5 Hunyo ni Mayor Isko, ang pag­babawal sa pagbebenta ng nakalalasing na inumin tulad ng wines, liquors at beer at iba pang katulad na nagsimula noong 28 Marso 2020 ay tina­tanggal na.

Umaasa si Domago­so na susunod ang lahat ng mga establisimiyento sa lokal na regulasyon, gayondin sa basic protocols tulad ng pag­susuot ng face mask at social/physical distancing sa kanilang  business operations.

Matatandaan, dala­wang Taiwanese national ang inaresto dahil sa pagbebenta ng alak sa kabila ng liquor ban at ipinasarado ng MPD ang tindahan sa utos ng alkalde.  

(BRIAN BILASANO)

About Brian Bilasano

Check Also

Jeffrey Hidalgo Angeli Khang

Jeffrey Hidalgo sumabak na rin sa pagdidirehe ng bold

FACT SHEETni Reggee Bonoan SPEECHLESS kami sa trailer ng bagong erotic drama movie ng Viva …

P251-K bato kompiskado HVT sa Pasig arestado

NASAKOTE ng mga awtoridad ang 33-anyos lalaki, pangsiyam sa high value targets (HVT), sa ikinasang …

Sa Bulacan
24 LAW OFFENDERS DERETSO SA HOYO

ARESTADO ang 24 katao, pawang lumabag sa batas, sa iba’t ibang operasyon na inilatag ng …

Alitangya sumalakay sa Pampanga

NAITALA sa ilang lugar sa lalawigan ng Pampanga ang pananalasa ng rice black bug o …

PCSO STL PNP NBI

Ayuda sa NBI, PNP
P52.2-M PCSO STL SALES INILAAN SA HEALTHCARE

NANAWAGAN ang Philippine Charity Sweepstakes Office (PCSO) sa Philippine National Police (PNP) at National Bureau …

Leave a Reply