Friday , March 29 2024
arrest posas

Electrician arestado (OFW hinataw ng helmet sa ulo)

BASAG ang ulo ng isang OFW (overseas Filipino worker) makaraang paghahatawin ng helmet ng isang electrician sa kanilang pagtatalo sa Valenzuela City, kamakalawa ng gabi.

Inoobserbahan sa Fatima University Medical Center (FUMC) sanhi ng pinsala sa ulo ang biktimang kinilalang si Mark Daryl Mohal, 33 anyos, residente sa Block 1 Lot 21 Phase 6, Ilang-ilang St., Sta. Lucia Village, Barangay Punturin ng nasabing lungsod.

Nahaharap sa kasong frustrated homicide ang suspek na kinilalang si Joey Cabantugan, 33 anyos, residente rin sa nasabing barangay.

Sa imbestigasyon ng pulisya, dakong 5:00 pm, umalis ang biktima sa inuman at mga kaibigan na nagdiriwang ng ka­arawan sa Meycauyan City at umuwi sa kanilang bahay sa Valenzuela sakay ng kanyang Honda Jazz car.

Makalipas ang 30 minuto, bumalik ang biktima sa Meycauayan City sakay ng kanyang motorsiklo at ipinaalam sa kanyang mga kaibigan na habang pauwi siya sakay ng kotse ay nakatalo niya ang suspek sa P. Faustino St.

Matapos ito, umalis si Mohal ngunit nakatunog ang saksing si Jeffrey Pineda, 38 anyos, na maaaring matrobol ang biktima kaya’t sinundan kasama ang dalawang kaanak sakay ng kanilang motorsiklo.

Pagsapit sa P. Faustino St., nakita ng saksi ang suspek na hawak ang helmet ni Mohal at pinagpapalo sa ulo hanggang bumagsak sa kalsada.

Tinangkang awatin ng saksi at kanyang kaanak ang suspek ngunit nabaling sa kanila ang galit nito hanggang maawat ng mga concern citizen si Cabantugan na inaresto ng nag­respon­deng mga tauhan ng Valenzuela Police Community Precinct (PCP-7).

Isinugod ng nag­respondeng barangay tanod ang biktima sa Valenzuela City Emergency Hospital at kalaunan ay inilipat sa Meycauyan Doctor’s Hospital saka inilipat muli sa FUMC. (R.SAles)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *