Monday , November 29 2021

2 Kalsada sa Barangay 8, Caloocan City isinailalim sa lockdown

ISINAILALIM sa extreme enhanced community quarantine (EECQ) ang dalawang kalsada ng isang barangay sa Caloocan City dahil sa naitalang pagdami ng kaso ng COVID-19 positive.

 

Sa latest COVID-19 bulletin ng lungsod sa Barangay 8, may 23 positibong kaso na medyo mababa kaysa mga barangay sa lungsod na unang isinailalim sa EECQ ngunit may paliwanag dito si Mayor Oscar “Oca” Malapitan.

 

Aniya, ang karamihan sa 23 kaso ay natagpuan sa Tupda at Salmon streets, mga lugar na isinailalim sa total lockdown simula kahapon, 11:59 pm, 4 Hunyo at magtatapos sa 11 Hunyo, 11:59 pm.

 

“We have to immediately place these two major streets in Barangay 8 under total lockdown or EECQ so that personnel of the City Health Department would have unhampered time to conduct rapid and swab tests there,” ani Malapitan.

 

Sinabi ng alkalde, ang mga magpopositibo sa virus sa gawing pagsusuri ay ihihiwalay ng city government sa mga pasilidad habang isasagawa rin ang contact tracing.

 

Umapela ang alkalde sa mga residente na makipagtulungan at sundin ang safety protocols at tiniyak niya na ang pamahalaang lungsod ay nagsisikap para pigilan ang pagkalat ng COVID-19.

 

Tiniyak ni Malapitan na mabibigyan ng sapat na supply ng food packs ang mga residenteng apektado ng lockdown.

 

Ayon kay Caloocan police chief P/Col. Dario Menor, 20 pulis ang ipakakalat para magbantay sa naturang kalsada upang masiguro na manatili ang mga residente sa loob ng kanilang bahay hanggang matapos ang lockdown.

 

Sa record, ang Caloocan ay may 495 COVID-19 confirmed cases, 149 recoveries at 25 namatay.

(ROMMEL SALES)

 

About Rommel Sales

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply