SA pagtatapos ng modified enhanced community quarantine, looking forward si Kapuso star Janine Gutierrez na makapag-travel muli at isa sa mga bansang nais niyang puntahan ay ang Switzerland.
Gusto ni Janine na balikan iyon para mapuntahan ang mga lugar na pinagsyutingan ng kinababaliwan niyang South Korean drama series na Crash Landing On You.
“I wanna go back to Switzerland, kung saan nagkita si Captain Ri at saka si Yoon Se Ri. Gusto kong pumunta roon,” ani Janine.
Bukod sa Switzerland, nais daw ni Janine na bumisita sa Croatia at sa Amerika, lalo na sa Los Angeles dahil mayroon siyang mga kamag-anak.
Samantala, aktibo rin si Janine sa pagpapaabot ng tulong sa mga higit na apektado ng Covid-19 pandemic. Katunayan, naglunsad ito ng fundraiser kasama ang kanyang mga kapatid habang naka-quarantine. ‘Ika ni Janine, responsibilidad ng mga artista na maging sensitibo sa panahong ito.
RATED R
ni Rommel Gonzales
