PARA sa Mars Pa More host na si Camille Prats, isa ang matalik niyang kaibigan na si Pepito Manaloto actress Chariz Solomon sa mga pinakamahusay at talentadong artista ng kanilang henerasyon.
Sa pagdiriwang ng ika-10 anibersaryo ng award-winning comedy sitcom ng Kapuso Network na Pepito Manaloto, nag-post ang Kapuso comedienne na si Chariz ng larawan ng buong cast kaakibat ang isang sweet message para sa co-stars nito.
“The Lord has done me a very huge favor for the shows I’m honored to be part of right now. Thank you ‘Pepito Manaloto’ family for taking care of us and bringing out the best in all of us. I am home. Happy 10 years of quality entertainment!” ani Chariz.
Bumuhos naman ang mga congratulatory messages mula sa fans at kaibigan sa industriya gaya ni Camille na pinuri ang ‘talent at wittiness’ ng kaibigan.
“So proud of you Mars. One of the most talented artists of today. A thinking comedienne na walang paglagyan ang wittiness. Congrats to you and the rest of the cast of Pepito!,” ani Camille.
Patuloy pa ring napapanood si Chariz sa Pepito Manaloto tuwing Sabado ng gabi pagkatapos ng 24 Oras Weekend habang napapanood naman si Camille sa Mars Pa More tuwing 8:45 a.m. sa GMA-7.
RATED R
ni Rommel Gonzales
