HATAW! D'yaryo ng Bayan hatawtabloid.com
PUMANAW na si Pwet Pwet, ang 12-year-old Bichon Frise na baby doggie ng aktres na si Angel Locsin dahil sa kidney failure.
Malaking bahagi si Pwet Pwet sa buhay ni Angel dahil ito ang laging kasama ng dalaga kapag masaya at malungkot siya kaya naman nagluluksa siya ngayon.
Isang linggo na ang nakararaan nang itakbo ni ‘Gel si Pwet Pwet sa vet dahil sa kidney, “Please pray for her. Her kidneys are failing.”
At nitong Mother’s Day ay dinalaw ng aktres ang ‘baby’ niya at may post na niyakap niya, “Fighting Happy Mother’s Day po sa lahat ng mommies–pati mga fur mommies out there.”
Pero nitong madaling araw ng Huwebes ay bumigay na si Pwet Pwet, nag-post ng mga litrato si Angel ng masasayang araw nila ng baby niya.
“Proud of you my perfect little fighter you can rest now. Love you ALWAYS.”
Umani naman ng 195k likes at 4,950 comments ng pakikiramay kay Angel ang ilan sa kanila ay ang fiancé niyang si Neil Arce, TV executives ng ABS-CBN, Angelica Panganiban, Jhong Hilario, Chito Miranda, Raikko Mateo, Maja Salvador at iba pa.
FACT SHEET
ni Reggee Bonoan
