Thursday , June 13 2024
philippines Corona Virus Covid-19

Senadora nagbabala: Second wave ng COVID-19 mula sa hospital & lab waste

NAGBABALA ngayon si Senador Imee Marcos na posibleng magkaroon ng second wave ng COVID-19 kung hindi magiging maayos ang disposal ng mga basura na magmumula sa mga ospital at laboratoryo na ginamit sa pagtukoy at paggamot sa mga nahawaan nito.

 

“Kahit bumababa na ang mga kaso ng impeksiyon, hindi imposibleng manalasang muli ang COVID-19 kung hindi pagtutuunan ng pansin ng gobyerno ang tamang pagtatapon ng mga basura mula sa mga ospital at laboratoryo,” pahayag ni Marcos.

 

Inaasahan ang pagdami ng mga medical waste sa sandaling maipatupad ang mas malawak na COVID-19 testing at ang pagluwag sa mga community quarantine.

 

Dahil dito, hinikayat ni Marcos ang gobyerno na magpatupad ng alituntunin para sa maayos na pagtatapon ng mga medical waste gaya ng test kit, heringgilya, personal protective equipment (PPE) gaya ng face mask, gloves, lab at hospital gown at balot sa sapatos.

 

“Dapat sakop din ng mga alituntunin ang paghihiwalay ng mga kontaminadong basura sa mga tahanan dahil gumagamit din ng face mask at gloves ang publiko.  Dapat sakop ng alituntuning ito ang general public hanggang sa mga munisipyo at city hall,” giit ni Marcos.

 

Inaasahan na magbabago ang mga ordinansa na may kinalaman sa pagtatapon ng basura kabilang ang paggamit ng platic, kung ang pagbabasehan ay mga hakbang na ipinatutupad sa ibang bansa gaya ng double-bagging o pagdodoble sa pagbalot ng mga contaminated waste.

 

Nanawagan din si Marcos sa Department of Environment and Natural Resources (DENR) na mahigpit na ipatupad ang batas laban sa pagsusunog ng basura, na ayon sa World Health Organization ay ginagawa pa rin ng mga developing country na walang kontrol sa polusyon.

 

Dahil gawa sa plastik at may dagdag sangkap para hindi agad mabasa, ang mga PPE na sinusunog ay nagdudulot ng nakalalasong kemikal na tinatawag na dioxin.

 

Inalerto ni Marcos ang gobyerno sa pagpasok ng mga contaminated waste mula sa COVID-19 galing sa ibang bansa at muling ibinida ang kanyang panukala sa Senate Bill 408 na ipagbawal ang pagpasok ng lahat ng uri ng mga imported na basura.

 

Sabi ni Marcos, dapat imbestigahan ang tatlong kompanya na pinaaandar ng mga dayuhan sa Subic at Cagayan de Oro na nagpapasok ng iba’t ibang klase ng basura na idineklarang para sa recycling.

(NIÑO ACLAN/CYNTHIA MARTIN)

About Niño Aclan Cynthia Martin

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *