NAG-FLEX na ng teaser ang Eat Bulaga sa pagbabalik ng phenomenal Kalye-Serye sa programa.
Ang Kalye-Serye ang nagbago ng landscape ng panoorin sa noontime TV na matagal din ang itinakbo.
Rito nagsimula ang phenomenal Al-Dub loveteam nina Alden Richards at Maine Mendoza bilang Yaya Dub na unknown pa sa showbiz.
Siyempre, magbubunyi na naman ang Al-Dub Nation dahil sasariwain nila ang lambingan sa ere ng kanilang mga idolo.
Hindi man nauwi sa totohanang relasyon ang Al-Dub loveteam, at nagkanya-kanya na ng career sina Alden at Maine, masaya na rin sila sa pagiging magkaibigan ng dalawa.
Bukod sa Kalye-Serye, may bagong pasabog ang Bulaga dahil tutulungan naman nila ang mga kababayan nating nawalan ng maliit na negosyo dahil sa Covid-19 pandemic!
Humanda na muli ang Al-Dub Nation na kiligin at gunitain ang masasayang panahon ng Al-Dub loveteam!
I-FLEX
ni Jun Nardo
