Baeby Baste, may sweet message para sa amang frontliner

PRAYERS at sweet message ang handog ng cute na cute na Eat Bulaga host na si Baeby Baste sa kanyang amang pulis na kamakailan lamang  naka-recover sa Covid-19.

 

Isa ang ama ni Baeby Baste na si Papa Sol sa mga nagpositibo sa virus mula sa Philippine National Police. Sa isang eksklusibong panayam mula sa 24 Oras, inamin ni Baeby Baste na sobra nitong na-miss ang ama na balik-serbisyo kaagad matapos gumaling.

 

Hindi ito makauwi dahil isa ito sa mga patuloy na nagbibigay serbisyo ngayong may Covid-19 pandemic.

 

“Lord kayo na po bahala sa Papa Sol ko at sa iba’t ibang frontliners sa buong mundo. Alam ko po ‘di N’yo po sila pababayaan. Kaya please lang Lord, i-protect N’yo po sila kasi sobrang dami pong naghihintay sa kanila,  families nila,” dagdag pa ng Kapuso star.

 

Kahit miss na ang kanyang amang frontliner, tuloy pa rin sa pagpapaabot ng food at medical supplies sa mga PNP frontliners si Baeby Baste.

 

“Saludo po kami sa inyo. In our own little way, sana po ay makapagbigay ng ngiti po ito sa inyo… ipag-pray ko po kayong lahat,” say ni Baeby Baste.

 

 

 

RATED R
ni Rommel Gonzales