Monday , December 6 2021

Mag-ingat sa fake news ng ‘poli-virus’ — Yorme Isko  

NAGBABALA si Manila Mayor Francisco “Isko Moreno” Domagoso sa publiko na maging maingat sa ‘poli-virus’ o political virus na kasabay na nanalasa ng coronavirus disease o COVID-19 sa bansa.

 

Ang tinatawag na ‘poli-virus’ ay may taglay umanong katangian ng isang makasariling politiko na nagsasamantala sa situwasyon para makapagpakalat ng fake news o maling impormasyon na layong makapanira ng kalaban sa politika.

 

Kasabay nito, nanawagan si Mayor Isko na magjng responsable sa pagpo-post sa social media dahil papanagutin niya ang magpo-post ng fake news para palabasin na walang disiplina sa Maynila.

 

Tinukoy ng alakalde ang lumang video noong napakasikip pa ng Divisoria na ini-repost ng ilang netizens kasama ang dalawang opisyal ng gobyerno na sina  Albay Rep. Joey Salceda at Foreign Affairs Secretary Teddy Locsin, Jr.

 

Pahayag ni Isko, “Mga kababayan naman,  ‘pag ‘di naman totoo, ‘wag na natin i-post o i-repost kasi hindi po nakatutulong. Kasi kami, tumutugon dahil ang paniwala ko tapat kayo at ang intensiyon ninyo ay maganda. Bising-bisi po ‘yung nag-post. ‘Yung video na pinost ng mga indibiduwal at ini-repost ng mga kilalang tao sa gobyerno, siyempre ang mga taga-Maynila magre-react dahil kung taga-Binondo o taga-Tondo ka, alam mo agad fake news,”

 

“Sa totoo lamang,  itong video na ito, hinahanap na ng cybercrime division ‘yung taong nag-post at nag-repost nito kung may violation sila under cybercrime law,” dagdag ng Alkalde.

 

Base sa impormasyon na nakarating kay Mayor Isko, ang pasimuno nito ay nagmula sa southern part ng bansa at hindi aniya lubos maisip kung bakit nag-post ang ilang indibiduwal sa social media gayong hindi naman sila residente sa lungsod.

 

Ang nasabing post ay ikinagalit ng mga Manileño dahil kabaliktaran ito ng tunay na kalagayan ng maayos at malinis na Divisoria.

 

Gayonman, humngi na ng pasensiya ang dalawang opisyal.

 

“Sila ‘yung walang magawa sa buhay. Pindot lang sa internet, bayad na. ‘Di baleng sirain nila ang gobyerno at ang utak ninyo para tumaas lalo ang stress ninyo… doon kumikita ang ilang indibiduwal. ‘Yun ang ipinakakain nila sa kanilang pamilya, ‘yung siraan ang gobyerno,” ani Mayor Isko.

 

Samantala, isang netizen na kinilalang si Ronald Gunday ang nahaharap ngayon sa kasong paglabag  sa RA 10175 (Cybercrime Prevention Act of 2012, at RA 1469 (Bayanihan To Heal As One Act).

 

Ito ay makaraang mag-post si Gunday ng pekeng larawan ng mga nagsasabong sa isang barangay.

 

“Don’t push us to the wall…may hangganan ang lahat. Mahaba ang pasensiya ko. Ako’y magpapaliwanag, mananawagan pero may hangganan din. Mag-ingat sa mga post. Kung wala kang maitutulong ‘wag ka nang makaprehuwisyo pa,” ani Mayor Isko. (BRIAN BILASANO)

About Brian Bilasano

Check Also

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

PASKUHAN SA MAYNILA isko moreno

Hikayat ni Yorme
“PASKUHAN SA MAYNILA” BISITAHIN

INAANYAYAHAN ni Manila Mayor at presidential aspirant Francisco “Isko Moreno” Domagoso at ni Vice Mayor …

Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na …

P500 500 Pesos

Suspek na 2 Chinese, Pinoy natakasan
MALAYSIAN KINIDNAP SA P500 RANSOM

SA KABILA ng limang daang pisong ransom money, natakasan pa rin ng Malaysian national ang …

Leave a Reply