PASASALAMAT ang ipinarating ni Sylvia Sanchez na nakikipaglaban din ngayon sa coronavirus disease sa lahat ng medical workers.
Sa video ng aktres ikinuwento nito na ang mga frontliner ang nagbibigay ng lakas ng loob sa kanya para patuloy na lumaban. Labis-labis nga ang paghanga nito sa mga frontliner dahil na rin sa dedikasyon at sakripisyo ng mga ito kahit na malaki ang posibilidad na mahawa sila.
Makikita ang Kapamilya actress na nakaupo sa hospital bed at naka-hospital gown habang may nakakabit pang suwero sa braso.
“Maraming-maraming-maraming-maraming salamat sa inyong lahat, mga frontliner…kita-kita po tayo sa finish line.”
Sa ngayon nag-negative at magaling na sina Sylvia at asawang si Papa Art matapos ang ilang araw na gamutan sa ospital.
MATABIL
ni John Fontanilla
