Wednesday , October 27 2021

‘Pastillas’ Senate hearing ‘lamunin’ na rin kaya ng COVID-19?

MIXED emotions daw ang naramdaman ng mga sumusubaybay sa nakatakdang pagdalo ni dating Department of Justice Secretary Vitaliano “Vit” Aguirre sa senate hearing noong Miyerkoles, 11 Marso 2020.

Pero dahil nga sa issue ng COVID-19 ay nakansela ang nakatakdang pagdinig sa kaso.

Marami ang nadesmaya dahil pagkakataon sanang patunayan ng dating Kalihim kung may totoong   kinalaman siya o pasinungalingan ang anumang alegasyon ng kolumnistang si Mon Tulfo at whistleblower na si Immigration Officer (IO) Allison Chiong sa isyu ng ‘pastillas scheme’ sa Bureau of Immigration – Ninyo Aquino International Airport (BI-NAIA).

Mahalaga ang statement ni Aguirre dahil puwedeng makapagpahina ito sa alegasyon ni Chiongkie ‘este’ ni Chiong na noong huling sesyon ay kitang-kita kung paano na-overpower ng grupo ng mga akusado!

Nakapagpadagdag din sa grupo ang matikas na pamamahayag ni dating Deputy Commis­sioner and Acting Port Operations Division Chief Mark Red Mariñas na pinanindigang hindi umano uso sa kanyang panahon ang ‘pastillas.’

Oh really?

Pero dahil sa COVID-19 ay nabahag ang buntot ng mga nag-iimbestiga at nag-aakusa. Hindi kaya may gapangang nangyari bago pa man dumating ang takdang araw ng sesyon?

Ayon sa dating SOJ, nakahanda siya sa anumang ibabatong akusasyon sa kanya.

Matatandaan na pinagdikdikan ng Manila Times columnist na may kinalaman ang opisyal sa nangyaring anomalya sa NAIA.

Siya pa nga raw ang protektor ng grupong pastillas.

Patunay pa raw dito ang magkakasunod na pagpunta ng isang chopper sa bayan nila sa Mulanay, Quezon upang maghatid ng ‘tara’ galing sa mga paliparan ngunit matigas ang paninindigan na pawang kasinungalingan ang ibinibintang sa kanya.

Ang tanong ng nakararami, sa pagkakansela ng senate hearing tungkol sa ‘pastillas,’ kasunod na ba nito ang senate committee report nina Senadora Risa Hontiveros?

Sa darating na 4 May 2020 sana ang pagbabalik ang mga senador para sa kanilang trabaho. Pero mukhang hindi na ito mangyayari.

Tanong ng nakararami, may kasunod pa ba ang hearing tungkol sa ‘pastillas’ o kasama na rin itong mababaon kasama ng COVID-19?

Abangan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sara Duterte, Bongbong Marcos, SA-BONG, BONG-SA

Sa pagkikita sa Cebu nina Sara at BBM
SA-BONG O BONG-SA INAABANGN PA RIN

BULABUGINni Jerry Yap NEWSMAKER talaga si Davao City Mayor Sara Duterte, at sa palagay natin, …

Isko Moreno TVC

Dumausdos sa survey
‘TVC’ NI YORME DAPAT PALITAN

BULABUGINni Jerry Yap HINDI patok sa masa ang TV ads ni Manila Mayor Francisco “Isko …

Oil Price Hike

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

2022 Elections, Senate

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

No Contact Apprehension Program, NCAP, Quezon City, QC, Traffic

Sa mga driver: Kung may disiplina, walang multa sa NCAP

BULABUGINni Jerry Yap INILUNSAD kamakailan ng butihing Quezon City Mayor Joy Belmonte ang “No Contact …

Leave a Reply