Friday , March 29 2024

May krisis na ba ang gera sa droga ni President Duterte?

MARAMI ang naniniwalang unti-unting umuusbong ang ‘krisis’ sa pinaigting na ‘gera’ ni Pangulong Rodrigo Duterte laban sa ilegal na droga.

Sa pinakahuling pangyayari, kinompirma ni Interior Secretary Eduardo Año na si P/Lt. Col. Jovie Espenido ay kabilang sa drug watchlist ng Philippine National Police (PNP).

Pero sabi ni Secretary Año, kailangan pang mai-validate ang impormasyon.

Ang tanong: sino ang magba-validate?

“Yes, that’s true and he will also undergo validation and possible investigation,” pagtitiyak ni Secretary Año.

Pero siyempre, sa ilalim ng batas, si Espenido ay mananatiling inosente hangga’t hinda napapatunayan sa asuntong iniaakusa laban sa kanya.

Pero nakakikilabot, kung hindi man nakalulungkot, ang pagkakasangkot ni Col. Espenido sa ilegal na droga.

Kung tutuusin, siya halos ang pinagkakatiwalaan ng Pangulo sa usapin ng ilegal na droga. Naniniwala ang Pangulo na si Espendio ang tamang tao para sa kanyang gera laban sa ilegal na droga.

Pero ngayong isinasangkot siya sa ilegal na droga, paano na?!

Sabi nga ng ilang nakakausap natin sa huntahan ng mga tricycle driver, ang nangyayari raw ngayon kay Espenido ay parang nangyayari kay Gen. Borja sa teleseryeng Ang Probinsyano ni Coco Martin.

Si Gen. Borja umano na dating kapanalig ng presidenteng si Oscar na dinodroga naman ng kanyang first lady na si Lily, ay idinidiin umano ngayon sa ilegal na droga ng kanilang mga kalaban.

Excuse me po — hindi tayo nakapapanood ng teleserye ni Coco Martin — pero base sa kuwento ng mga tricycle driver mukhang nagiging totoong buhay ang istorya ng Ang Probinsiyano?!

Ganoon nga ba ang nangyayari kay Espenido?!

O mukhang ‘scripted’ na rin talaga ang mga galaw noon pa man ni Espenido?

At gaano kasigurado ang mamamayan na may kredebilidad ang magba-validate ng akusasyon laban kay Espenido?!

Mabigat na krisis ito ngayon sa gera kontra droga ni Pangulong Digong.

Pero ayaw paniwalaan ni Pangulong Digong ang bintang laban kay Espenido.

Matatandaang pinuri ni Digong si Espenido sa police operations na nakapaslang kay Ozamiz City Mayor Reynaldo Parojinog, isang pinagsusupetsahang big time drug lord, noong Hulyo 2017.

Nakagugulat ang biglang pagbaliktad ng kredibilidad ni Espenido. Nag-iba lang ang PNP chief, nagbago na rin ang ihip ng hangin?!

Hindi kaya magbaliktaran lahat ang mga pangalan sa drug watchlist?

Mukhang hindi ‘positibo’ ang pasok ng 2020 sa administrasyong Duterte.

Tsk tsk stk…

Let’s keep our fingers crossed.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *