Sunday , November 28 2021
Ampatuan Maguindanao Massacre
Ampatuan Maguindanao Massacre

Guilty verdict inaasahan vs mga akusado sa Ampatuan massacre

NAKAABANG ang sambayanang Filipino ngayong araw sa magiging hatol ni Judge  Quezon City Regional Trial Court (RTC) Judge Jocelyn Solis-Reyes sa mga akusadong sinabing sangkot sa naganap na Ampatuan massacre noong 2009 sa Maguindanao.

Marami tayong naririnig na ‘guilty’ ang magiging hatol sa mga akusado.

Mantakin n’yo nga naman, sino ba naman ang magsasabing, 10 years ago ay maraming buhay ng mga mamamahayag ang mawawala matapos masangkot sa nasabing masaker.

Ayon kay Maguindanao Rep. Esmael “Toto” Mangudadatu, sana’y “guilty” ang maging hatol sa pumatay sa 58 katao kabilang rito ang 32 kagawad ng media.

Ngayong araw nga ay babasahan ng hatol ni Quezon City Regional Trial Court (RTC) Judge Jocelyn Solis-Reyes ang mga akusado sa Ampatuan massacre.

“Imposibleng walang makuhang marami­hang guilty verdict lalo sa major suspects maging sa mga nagplano. Positibo kami roon,” ani Mangudadatu na namatayan ng asawa sa naturang insidente na nangyari noong 23 Nobyembre 2009.

Magugunitang, ang asawa at kapatid ni Mangudadatu at mga kagawad ng media ay patungo sa tanggapan Commission on Elections (Comelec) sa nasabing bayan para ihain ang kanyang certificate of candidacy (COC) nang harangin ng mga tauhan ni Ampatuan, ang mayor ng lugar sa panahong iyon.

Ang Ampatuan massacre ay itinuring na pinaka-karumaldumal na krimeng nagawa sa hanay ng media.

Ang mga pangunahing suspek sa nasabing krimen ay Andal Ampatuan Sr., nauna nang pumanaw; at dalawang anak na si Andal Ampatuan, Jr., at Zaldy Ampatuan at mga tauhan nila. 

Matapos ang 10 taong paglilitis, ibababa na ang hatol sa mga akusado, pawang nakakulong  sa Quezon City Jail Annex, Camp Bagong Diwa, Bicutan, Taguig City.

“Kung anoman ang pasya, irerespeto ko. Pero handa kaming umapela kapag ‘di nakuha ang hustisya,” ani Mangudadatu.

Para sa mga mamamahayag at ilang mga kababayan — katarungan para sa mga biktima!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Maam Evelyn 2

A heartfelt message for JSY

Before I start, I am speaking on behalf of my mom from her perspective, in …

Sir Jerry Yap JSY Gloria Galuno Mommy Glo

Memories with JSY

“LET us always find opportunities to be with the people we value the most. Life …

Jerry Yap, JSY, Hataw

Maraming salamat, JSY!

HARD-HITTING columnist, isa sa pinakamahusay na boss at leader, mabait na kaibigan, kapatid, ama, padre …

Bureau of Immigration

Pagbubukas ng turismo pinaghahandaan na ng BI

BULABUGINni Jerry Yap NAGHAHANDA na ang pamunuan ng Bureau of Immigration (BI) sa pagbubukas ng …

Jaime Morente Bureau of Immigration

‘Bogus’ na intel agent/s binalaan ni Morente

BULABUGINni Jerry Yap NAGBABALA si Commissioner Jaime Morente tungkol sa mga nagpapakilalang ahente o awtoridad …

Leave a Reply